09.10.2026 | 16:19
Սպանության նախապատրաստության գործով 4 անձ է ձերբակալվել․ իրավապահները կանխել են հանցագործությունը
Մերձավանում նոր սպանության նախապատրաստության մասին ահազանգ․ խուզարկություններից հետո ձերբակալվել է մեկ քաղաքացի
Հասարակություն
09.10.2025 | 16:08
Փարաքար համայնքի Մերձավան բնակավայրի 30 հասցեներում խուզարկությունների արդյունքում մեկ քաղաքացի ձերբակալվել է։ Այս մասին Factor.am-ին հայտնեցին Քննչական կոմիտեից։
«Սպանության նախապատրաստության հատկանիշներով նախաձեռնված քրեական վարույթի շրջանակներում մի շարք տներում կատարվել են քննչական գործողություններ»,- հայտնում են իրավապահ կառուցից։
Factor TV-ի տեղեկություններով՝ ձերբակալված քաղաքացու մոտ հայտնաբերվել է զենք։
ՆԳՆ-ից երեկ փոխանցել էին, որ վերջին սպանություններով պայմանավորված Փարաքար համայնքի Մերձավան բնակավայրում ոստիկանությունը օրենքով իրեն վերապահված լիազորությունների սահմաններում իրականացնում է կանխարգելիչ միջոցառումներ։
Մեր տեղեկություններով՝ այս խուզարկությունները կապ չունեն Փարաքարի համայնքապետ Վալոդյա Գրիգորյանի և քրեական ոստիկան Կարեն Աբրահամյանի սպանության հետ։ Ըստ տեղեկությունների՝ քննչական այս գործողություններն իրականացվել են մեկ այլ սպանության նախապատրաստության ահազանգի հիման վրա։
Արփի Հակոբյան
