23.05.2026 | 23:15
Ըմբիշ Շահեն Մարտիրոսյանը վստահ հաղթանակով դարձավ Եվրոպայի Մ-15 չեմպիոն. ՏԵՍԱՆՅՈՒԹ
Բարաք Օբամային և Հիլարի Քլինթոնին պայթուցիկով ծանրոց են ուղարկել. ԼՈՒՍԱՆԿԱՐ
Քաղաքականություն
25.10.2018 | 18:19
ԱՄՆ նախկին նախագահ Բիլ Քլինթոնի և նրա տիկնոջ՝ նախկին պետքարտուղար Հիլարի Քլինթոնի՝ Նյու Յորքի արվարձանում գտնվող առանձնատան մոտ պայթուցիկ սարք են հայտնաբերել: Այս մասին գրում է Ինտերֆաքսը՝ վկայակոչելով The New York Times-ը:
Ոստիկանությունում հայտնել են, որ ռումբը հայտնաբերել է փոստը ստացող աշխատակիցը: Ծանրոցը նախատեսված է եղել Հիլարի Քլինթոնի համար:
Հայտնի է նաև, որ նման սարք է ուղարկվել Վաշինգտոն՝ ԱՄՆ նախկին նախագահ Բարաք Օբամայի անունով, սակայն երկրի Գաղտնի ծառայության ջանքերով այն հասցեատիրոջը չի հասել:
Նշենք, որ ԱՄՆ-ում տարբեր գործիչների, ընդհանուր առմամբ, 9 ծանրոց է ուղարկվել, այդ թվում՝ նախկին փոխնախագահ Ջո Բայդենին, ԿՀՎ նախկին ղեկավար Ջոն Բրենանին, դերասան Ռոբերտ դե Նիրոյին: Դրանցում հայտնաբերված ռումբերը գործող են եղել:
Lenta.ru-ի հաղորդմամբ՝ Նյու Յորքի ոստիկանության ահաբեկչության դեմ պայքարի դեպարտամենտի ղեկավար Ջոն Միլլերն ասել է, որ բոլորը պայթուցիկները, ամենայն հավանականությամբ, ուղարկվել են միևնույն անձի կողմից: Նրա ինքնությունն ու արարքի շարժառիթները դեռ հայտնի չեն:
