04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
EducationUSA Կրթական ցուցահանդեսը Երևանում
Հասարակություն
25.10.2018 | 18:04
Միջազգային կրթության ամերիկյան խորհուրդների EducationUSA հայաստանյան գրասենյակը սույն թվականի հոկտեմբերի 25-ին «Արմենիա Մարիոթ» հյուրանոցի Տիգրան Մեծ սրահում կազմակերպել էր EducationUSA ամենամյա կրթական ցուցահանդեսը։
Միջոցառման նպատակն էր ստեղծել հարթակ՝ ձեռք բերելու առաջնային տեղեկատվություն ԱՄՆ-ում ուսանելու հնարավորությունների վերաբերյալ և շփվելու ԱՄՆ տարբեր համալսարանների ներկայացուցիչների հետ, ովքեր այս տարի ներկայացնում էին ԱՄՆ Բոյս, Կալիֆորնիա Լոնգ Բիչ, Միներվա, Վիսկոնսին, Սան Դիեգո, Հարավային Սեաթլ, Վալդոստայ, Ռայթ և Հայաստանի Ամերիկյան համալսարանները։ EducationUSA կրթական ցուցահանդեսին իրենց ծրագրեր էին ներկայացնում նաև ՀՀ-ում ԱՄՆ դեսպանության տեղեկատվական ռեսուրսների կենտրոնը, և հյուպատոսական բաժինը, Երևանի ամերիկյան անկյունը և Ամերիկյան խորհուրդները։
Միջոցառմանը ողջույնի խոսքով հանդես եկան ԱՄՆ դեսպանատան Հասարակայնության հետ կապերի պատասխանատու Ռոբ Անդերսոնը և EducationUSA կրթական խորհդրատու Շուշաննա Աբովյանը։
Մոտ հազար մասնակիցների շարքում էին աշակերտներ, ուսանողներ, ծնողներ, կրթական ոլորտի ներկայացուցիչներ ինչպես Երևանից, այնպեսև Հայաստանի տարբեր մարզերից։
Միջոցառման ընթացքում համալսարանների ներկայացուցիչները հարցուպատասխանի և անհատական զրույցների միջոցով ներկայացրին ամերիկյան համալսարանների միջազգային ընդունելության պայմանները և ժամկետները, դիմելու ընթացակարգը, ֆինանսական օժանդակության փաթեթները, համալսարանական և ուսանողական կյանքը։
EducationUSA Հայաստանի մասին
ԱՄՆ պետքարտուղարության կողմից հովանավորվող EducationUSA կրթական-խորհրդատվական կենտրոնի հայաստանյան գրասենյակը պատկանում է աշխարհում գոյություն ունեցող հարյուրավոր խորհրդատվական կենտրոնների ցանցին:
Կենտրոնը դիմորդներին և ուսանողներին տրամադրում է ճշգրիտ, բազմակողմանի և արդի տեղեկատվություն՝ ԱՄՆ-ում քոլեջներ և համալսարաններ ընդունվելու գործընթացի վերաբերյալ:
Կենտրոնի բոլոր ծառայությունները՝ ներառյալ թեստերին պատրաստվելու համար գրադարանից գրքեր տրամադրելը, անհատական խորհրդատվությունները, դասախոսությունները, աշխատաժողովները, փորձնական թեստերի հանձնումը, խմբակային խորհրդատվությունները և տարածաշրջանային այցելությունները տրամադրվում են անվճար:
Ըստ Կրթության միջազգային ինստիտուտի կողմից (IIE-International Institute of Education) հրապարակվող վիճակագրական տվյալների ԱՄՆ-ում 2016-2017 ակադեմիական տարում բակալավրիական, մագիստրոսական, հետբուհական պրակտիկայում և կարճաժամկետ ծրագրերում կրթություն ստացող հայ ուսանողների թիվը 280 է:
