14.09.2026 | 14:48
Անկարան հայտնել է, որ Թուրքիայից Հայաստան արտահանումը հունվար-օգոստոսին կազմել է 1 մլն 336 հազար դոլար
Հայաստանում ամուսնությունների թիվը նվազել է, ամուսնալուծություններինը՝ աճել
08.10.2025 | 12:23
2025 թվականի հունվար-օգոստոս ամիսներին Հայաստանում գրանցվել է 8985 ամուսնություն, որը նախորդ տարվա 10 405 գրանցված ամուսնության համեմատ նվազել է 13,6%-ով։ Factor.am-ը այս մասին տեղեկանում է ՀՀ վիճակագրական կոմիտեից։
Միաժամանակ 4,5%-ով ավելացել է հանրապետությունում գրանցված ամուսնալուծությունների թիվը։ Հանրապետությունում 2025-ի հունվար-օգոստոսին գրանցված 1000 ամուսնության հաշվով արձանագրվել է ամուսնալուծության 354 դեպք` նախորդ տարվա հունվար-օգոստոսին արձանագրված 292-ի համեմատ:
ՀՀ-ում նվազել է նաև ծնելիության թիվը։ 2025 թվականի հունվար-օգոստոսի ամիսներին հանրապետությունում ծնվել է 20 437 երեխա. այս թիվը նախորդ տարվա համեմատ նվազել է 6,3 տոկոսով․ 2024-ի նույն ժամանակահատվածում ծնվել է 21 821 երեխա։ Միաժամանակ ավելացել է մահացածների թիվը: Այս տարվա հունվար-օգոստոս ամիսներին 17210 մարդ է մահացել։ Նախորդ տարվա նույն ժամանակահատվածում մահացել է 17072 քաղաքացի։
Անի Թամրազյան
