13.11.2024 | 23:28
Էրդողանը Թրամփի հետ հանդիպման հույս է հայտնել և խոսել Մասկի հետ համագործակցելու ցանկության մասին
ԱՄՆ-ում չեն բացառում Չինաստանի հետ պատերազմի հավանականությունը
Քաղաքականություն
25.10.2018 | 16:31
Չինաստանի հետ պատերազմի հավանականությունն առաջիկա 15 տարիներին շատ մեծ է: Լեհաստանում անցկացվող Անվտանգության հարցերով Վարշավայի ֆորումի ժամանակ այս մասին հայտարարել է Եվրոպայում ամերիկյան ցամաքային զորքերի նախկին հրամանատար, գեներալ-լեյտենանտ Բեն Հոջեսը, հաղորդում է ՌԻԱ Նովոստին՝ վկայակոչելով South China Morning Post պարբերականը:
Նա Եվրոպային կոչ է արել ավելի մեծ ուշադրություն դարձնել սեփական պաշտպանությանը, քանի որ ԱՄՆ-ն պետք է կենտրոնանա Խաղաղօվկիանոսյան տարածաշրջանի և «չինական սպառնալիքի» ուղղությամբ:
«ԱՄՆ-ին շատ ամուր եվրոպական հենարան է պետք: Կարծում եմ՝ 15 տարի անց, դա անխուսափելի չէ, բայց գոյություն ունի մեծ հավանականություն, որ ԱՄՆ-ն Չինաստանի հետ պատերազմի վիճակում կլինի»,- հայտարարել է գեներալը:
Հոջեսը հավելել է, որ չնայած աշխարհաքաղաքական առաջնահերթությունների փոփոխմանը՝ ՆԱՏՕ-ին ԱՄՆ-ի հավատարմությունն անխախտելի է:
