07.03.2026 | 15:09
Փետրվարի 28-ից մարտի 6-ը Իրանից Հայաստանի տարածքով 41 երկրների քաղաքացիներ են տեղափոխվել․ ՀՀ ԱԳՆ
Դեսպան Մկրտչյանը և Ամերիկյան ձեռնարկությունների ինստիտուտի նախագահը քննարկել են ՀՀ–ԱՄՆ հարաբերություններում վերջին զարգացումները
Քաղաքականություն
07.10.2025 | 20:23
Հոկտեմբերի 7-ին ՀՀ դեսպանը հանդիպում է ունեցել Ամերիկյան ձեռնարկությունների ինստիտուտի (American Enterprise Institute, AEI) նախագահ Ռոբերտ Դոերի հետ։ Այս մասին տեղեկացնում են ԱՄՆ-ում ՀՀ դեսպանությունից։
«Քննարկվել են Հայաստան–ԱՄՆ հարաբերություններում վերջին զարգացումները, մասնավորապես՝ օգոստոսի 8-ի Վաշինգտոնյան խաղաղության հռչակագրից հետո ձևավորված նոր հնարավորությունները, ինչպես նաև համագործակցության հեռանկարները՝ հետազոտական և վերլուծական նախաձեռնությունների շրջանակում։
Ամերիկյան ձեռնարկությունների ինստիտուտը (American Enterprise Institute, AEI) ԱՄՆ
հեղինակավոր վերլուծական կենտրոններից է, որը իրականացնում է ուսումնասիրություններ կառավարության, քաղաքականության, տնտեսության, սոցիալական բարեկեցության, ինչպես նաև արտաքին և պաշտպանական քաղաքականության ոլորտներում։
Հանդիպման արդյունքում ձեռք է բերվել պայմանավորվածություն՝ զարգացնել համագործակցությունը փոխադարձ հետաքրքրություն ներկայացնող հետազոտական թեմաների շուրջ»,- ասված է հաղորդագրությունում։
