06.12.2025 | 18:07
Մեծ հավանականությամբ կմասնակցեմ. Քոչարյանը՝ առաջիկա ընտրությունների մասին
ՀՀ-ի անկախությունն ինձ համար սրբություն է․ Վարդան Ղուկասյան
Քաղաքականություն
07.10.2025 | 19:08
«Անկախությունն ինձ համար սրբություն է՝ մահ կամ ազատություն։ ՀՀ-ի անկախությունն ինձ համար սրբություն է։ Էս ինչ հեքիաթներ են պատմում, թե քաղաքապետն ասել է՝ միութենական պետություն մտնել և գուբերնիա դառնա»,- այս մասին այսօր լրագրողների հետ զրույցում հայտարարեց Գյումրիի քաղաքապետ Վարդան Ղուկասյանը՝ անդրադառնալով Հայաստանի՝ Միութենական պետության կազմ մտնելու վերաբերյալ իր ավելի վաղ արած հայտարարությանը։
Նա պնդեց, որ ինքը նման հայտարարություն չի արել։ Չնայած այս պնդմանը՝ հիշեցնենք, մարտի 30-ին Գյումրիի քաղաքապետի ընտրության օրը Վարդան Ղուկասյանը Factor TV-ի հարցին ի պատասխան էր հայտարարել, որ կողմ է Ռուսաստանի հետ Միութենական պետությանն անդամակցությանը՝ Բելառուսի սկզբունքով, «պետք է պահպանվի Հայաստանի սուվերեն վիճակը»։
Մանյա Պողոսյան
