07.09.2026 | 11:29
Վայոց ձորի մարզի Արենի համայնքի սեփականության իրավունքն է վերականգնվել 0.12 հա մակերեսով հողամասի նկատմամբ
Թյուրքական պետությունների կազմակերպության հռչակագրում խոսվում է, այսպես կոչված, «Զանգեզուրի միջանցքի» զարգացման մասին
Քաղաքականություն
07.10.2025 | 20:11
Թյուրքական պետությունների կազմակերպության 12-րդ գագաթնաժողովի շրջանակում, որն այսօր տեղի է ունեցել Ադրբեջանում, ստորագրվել է Գաբալայի հռչակագիրը։ Փաստաթուղթն ընդունվել է կազմակերպության անդամ երկրների ղեկավարների հանդիպման արդյունքում։
Ադրբեջանի ԱԳ նախարար Ջեյհուն Բայրամովը հայտարարել է, որ հռչակագիրը վերահաստատում է թյուրքական աշխարհում համերաշխության ամրապնդումը, փոխադարձ վստահության աճը և ինքնիշխանության, անկախության և պետականության սկզբունքներին նվիրվածությունը: Փաստաթղթում ընդգծվում է կազմակերպության դերը որպես տարածաշրջանային խաղաղության և բազմակողմ համագործակցության խթանման կառուցողական հարթակ, և նշվում է համատեղ գործողությունների կարևորությունը այնպիսի մարտահրավերների դեմ, ինչպիսիք են ապատեղեկատվությունը, կիբերսպառնալիքները և կլիմայի փոփոխությունը:
Բացի այդ, ըստ Բայրամովի հայտարարության՝ փաստաթղթում խոսք կա նաև, այսպես կոչված, «Զանգեզուրի միջանցքի» մասին։
«Առաջնորդները նշել են Միջին միջանցքի միջազգային տրանսպորտային երթուղու, այդ թվում՝ Զանգեզուրի միջանցքի զարգացման ռազմավարական կարևորությունը՝ ընդգծելով, որ այն զգալի ներդրում կունենա թյուրքալեզու պետությունների միջև կապերի ամրապնդման, առևտրաշրջանառության ավելացման և ներտարածաշրջանային տնտեսական համագործակցության զարգացման գործում: Պետությունների և կառավարությունների ղեկավարները նաև վերահաստատել են Միջին միջանցքի անդամ պետությունների միջև տարածաշրջանային և միջազգային հարցերի վերաբերյալ ընդհանուր դիրքորոշման մշակման կարևորությունը»,- հայտարարել է Ադրբեջանի ԱԳ նախարարը։
Թարգմանությունը՝ Էմմա Չոբանյանի
