Թուրքիայի առևտրի նախարարը հայտնել է, թե որ դեպքում Անկարան կվերականգնի առևտրատնտեսական կապերը ՀՀ-ի հետ

Ադրբեջանը զգալի ներդրումներ ունի Թուրքիայում։ Այս մասին Ադրբեջանի Գաբալա քաղաքում Թյուրքական պետությունների կազմակերպության գագաթնաժողովի շրջանակում ադրբեջանական APA գործակալության հետ զրույցում ասել է Թուրքիայի առևտրի նախարար Օմեր Բոլաթը՝ խոսելով նաև, այսպես կոչված, «Զանգեզուրի միջանցքից»։

«SOCAR-ը կարևոր դիրք է զբաղեցնում Թուրքիայի նավթաքիմիական ոլորտում: Բաքու-Թբիլիսի-Ջեյհան նավթատարը՝ TANAP-ը, և Բաքու-Թբիլիսի-Կարս երկաթուղին կարևոր նախագծեր են, որոնք կապում են երկու երկրները: Զանգեզուրի միջանցքի ավարտով և շահագործման հանձնելով կավարտվեն խոշոր առևտրային երթուղիները, որոնք սկսվում են Թուրքիայից և ձգվում դեպի արևելք, իսկ արևելքից՝ Ադրբեջանի և Թուրքիայի միջով, հասնում են եվրոպական երկրներ: Ադրբեջանի և Թուրքիայի հարաբերությունները հաջողությամբ զարգանում են քաղաքական, մշակութային, տնտեսական, ֆինանսական, էներգետիկ և այլ ոլորտներում: Երկու երկրների ղեկավարները նպատակ են դրել հասնել 15 միլիարդ դոլարի առևտրաշրջանառության»,- ասել է նա։

Բոլաթն անդրադարձել է նար հարցին, թե դեպքում Թուրքիան կվերականգնի առևտրատնտեսական կապերը Հայաստանի հետ։ Նա ասել է, թե «1992 թվականին Ղարաբաղի օկուպացիայից ի վեր Թուրքիան միշտ աջակցել է Ադրբեջանին և ցուցաբերել է նրան ամբողջ հնարավոր օգնությունը»։ Թուրք նախարարը նշել է, որ մինչ օրս Անկարան որևէ որոշում չի կայացրել, որը կարող էր անհանգստացնել Ադրբեջանին։

«Ադրբեջանի դիրքորոշումն այս հարցում մեծ նշանակություն ունի»,- ընդգծել է նա։

Բոլաթն ասել է, որ այս հարցերը կքննարկվեն, երբ հարաբերությունները կարգավորվեն և խաղաղության պայմանագրի ստորագրվի։

«Երկու երկրների ղեկավարներն ու արտաքին գործերի նախարարներն արդեն քննարկում են այս հարցերը. դա ժամանակի հարց է»,- հայտարարել է նա։

Թարգմանությունը՝ Էմմա Չոբանյանի