03.10.2026 | 18:18
Ընթերցանությունը կրթության կարևորագույն մարտահրավերներից է. ԿԳՄՍ նախարար
Էրդողանն ու Պուտինը հեռախոսազրույցում երկկողմ և տարածաշրջանային հարցեր են քննարկել
Քաղաքականություն
07.10.2025 | 19:50
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ՌԴ նախագահ Վլադիմիր Պուտինի հետ։ Թուրքիայի նախագահականի հաղորդակցության վարչության փոխանցմամբ՝ զրույցի ընթացքում քննարկվել են Թուրքիա-Ռուսաստան երկկողմ հարաբերությունները, ինչպես նաև տարածաշրջանային և համաշխարհային հարցեր։
Էրդողանն ասել է, որ Թուրքիան աշխատում է Գազայում հրադադարի հաստատման և տարածաշրջան մարդասիրական օգնության մատակարարման ապահովման ուղղությամբ։
Նշելով, որ դիվանագիտական նախաձեռնությունները պետք է թափ հավաքեն՝ Ուկրաինա-Ռուսաստան պատերազմը արդար և տևական խաղաղությամբ ավարտելու համար, Էրդողանը նշել է, որ Թուրքիան կշարունակի խաղաղությանն ուղղված իր ջանքերը։
Հաղորդվում է, որ Թուրքիայի ղեկավարը նաև շնորհավորել է Ռուսաստանի նախագահին ծննդյան օրվա առթիվ։
Թարգմանությունը՝ Էմմա Չոբանյանի
