12.01.2026 | 16:16
ՖԱՖ-ն ամփոփել է տարին, Էդուարդ Սպերցյանը մրցանակի է արժանացել
Մոսկվան հայտարարում է, որ ուկրաինական ԱԹՍ-ն փորձել է հարձակվել Նովովորոնեժի ԱԷԿ-ի վրա
Քաղաքականություն
07.10.2025 | 21:12
Հոկտեմբերի լույս 7-ի գիշերը ուկրաինական զինված անօդաչու թռչող սարքը փորձել է հարձակվել Նովովորոնեժի ատոմակայանի (ԱԷԿ) սառեցման աշտարակի վրա, հայտարարել է «Ռոսէներգոատոմ»-ը, գրում է Meduza-ն։
Հայտարարության մեջ նշվում է, որ անօդաչու թռչող սարքը ճնշվել է «տեխնիկական միջոցներով»։ Նովովորոնեժի ԱԷԿ-ի 6-րդ գործող էներգաբլոկի գոլորշիացնող սառեցման աշտարակի հետ բախվելուց հետո անօդաչու թռչող սարքը պայթել է։ «Ռոսէներգոատոմ»-ի տվյալներով՝ վնասներ կամ տուժածներ չկան, սակայն «մուգ հետք» է մնացել։
«Ատոմակայանի անվտանգ գործունեությունն ապահովված է: Նովովորոնեժի ԱԷԿ-ի արդյունաբերական տարածքում և հարակից տարածքում ճառագայթման մակարդակը մնացել է անփոփոխ և համապատասխանում է բնական մակարդակներին: Իրավապահ մարմիններն աշխատում են դեպքի վայրում: Միջադեպը չի ազդել կայանի գործունեության վրա»,- ասվում է հայտաարության մեջ։
Խոցված անօդաչու թռչող սարքերի վերաբերյալ իր զեկույցում Ռուսաստանի Պաշտպանության նախարարությունը հայտնել էր, որ հոկտեմբերի լույս 7-ի գիշերը Վորոնեժի մարզում հակաօդային պաշտպանության համակարգերը խոցել են ուկրաինական 18 անօդաչու թռչող սարք:
Ուկրաինական կողմն այս մասին դեռևս տեղեկություններ չի հաղորդում։
Թարգմանությունը՝ Էմմա Չոբանյանի
