17.12.2025 | 20:56
ՔՊ-ում կռիվ է ընկել․ ինտրիգներ՝ ընտրական ցուցակի ձևավորման շուրջ. ՏԵՍԱՆՅՈՒԹ
Հայտնի է, թե երբ է Թուրքիան ստանալու ռուսական S-400-ները
Քաղաքականություն
25.10.2018 | 17:32
Թուրքիայի պաշտպանության նախարար Հուլուսի Աքարը «Anadolu» պետական լրատվական գործակալության հետ զրույցում խոսել է ռուսական «S-400» զենիթահրթիռային ՀՕՊ համակարգերի և ամերիկյան նոր սերնդի «F-35» կործանիչների մասին։ Դրանք, ըստ թուրք-ռուսական և թուրք-ամերիկյան պայմանագրի, պետք է՝ մատակարարվեն Թուրքիային. փոխանցում է ermenihaber-ը:
Թուրքիայի պաշտպանության նախարարը հայտնել է, որ S-400-ները Թուրքիային սկսելու են մատակարարվել 2019-ից։
«2019թ. հոկտեմբերից սկսած ռուսական ՀՕՊ համակարգի տեղակայման աշխատանքները սկսվելու են։ Այս պահին զբաղվում ենք անձնակազմի ընտրությամբ։ Անձնակազմի անդամներն ուղարկվելու են Ռուսաստանան անհրաժեշտ դասընթացների համար։ Այնուհետև այդ անձնակազմը վերադառնալու է Թուրքիա և ղեկավարելու է S-400-ները»։
Աքարը նաև տեղեկացրել է, որ առաջիկայում Թուրքիան ԱՄՆ-ից կստանա ևս 2 հատ F-35 կործանիչ։ Դրանք տեղեկայվելու են Թուրքիայի Մալաթիա նահանգի ավիաբազայում։
Հիշեցնենք, որ S-400-ների վերաբերյալ ռուս-թուրքական պայմանագրի պատճառով թուրք-ամերիկյան հարաբերությունները խիստ լարվել էին։ ԱՄՆ-ն պատժամիջոցներ սահմանեց Թուրքիայի դեմ: ժամանակավորապես կասեցվել էր F-35-ների մատակարարման գործընթացը:
