16.02.2026 | 20:40
Բարձր եմ գնահատում Լիտվայի աջակցությունը Հայաստանին. ՀՀ նախագահ
Պուտինն ու Նեթանյահուն հեռախոսազրույց են ունեցել
Քաղաքականություն
06.10.2025 | 23:00
Ռուսաստանի նախագահ Վլադիմիր Պուտինը հեռախոսազրույց է ունեցել Իսրայելի վարչապետ Բենյամին Նեթանյահուի հետ: Առաջնորդները քննարկել են Մերձավոր Արևելքում տեղի ունեցող իրադարձությունները և Գազայի հատվածում իրավիճակի կարգավորումը, հայտնում է Կրեմլի մամուլի ծառայությունը:
Հանգամանալից քննարկվել է Մերձավոր Արևելքում իրադարձությունների ընթացիկ զարգացումը, այդ թվում՝ Գազայի հատվածում կարգավորման վերաբերյալ ԱՄՆ նախագահի առաջ քաշած ծրագրի համատեքստում»,- ասված է հաղորդագրության մեջ:
Կողմերը մտքեր են փոխանակել Իրանի միջուկային ծրագրի շուրջ ստեղծված իրավիճակի, ինչպես նաև Սիրիայում տիրող իրավիճակի շուրջ:
«Կարծիքներ են փոխանակվել տարածաշրջանային թեմաների շուրջ՝ մասնավորապես շահագրգռվածություն է հայտնվել Իրանի միջուկային ծրագրի շուրջ իրավիճակի շուրջ բանակցային հանգուցալուծումներ գտնելու և Սիրիայում հետագա կայունացման հարցում», – ասված է Կրեմլի հաղորդագրության մեջ:
