01.04.2026 | 14:33
Մեկնարկել է ապրիլ ամսվա կենսաթոշակների և նպաստների վճարման գործընթացը՝ արդեն իսկ բարձրացված չափերով․ ԱՍՀՆ
Մերկելը հայտարարել է, թե Լեհաստանն ու Բալթյան երկրները խոչընդոտել են Ռուսաստանի հետ բանակցություններին մինչև պատերազմի սկսվելը
Քաղաքականություն
06.10.2025 | 22:03
Լեհաստանը և Բալթյան երկրները չեն աջակցել Ռուսաստանի հետ 2021 թվականին ուղիղ բանակցություններ սկսելու նախաձեռնությանը։ Այս մասին հայտարարել է Գերմանիայի նախկին կանցլեր Անգելա Մերկելը հունգարական Partizan-ին տված հարցազրույցում, փոխանցում է Meduza-ն։
Նրա խոսքով՝ այս որոշման պատճառը մտահոգություններն էին, որ ԵՄ երկրները չեն կարողանա մշակել միասնական քաղաքականություն Ռուսաստանի նկատմամբ։
ՌԴ նախագահ Վլադիմիր Պուտինի հետ անմիջականորեն բանակցելու անհնարինությունն ազդել է հետագա զարգացումների վրա, ընդգծել է նա։
«Ժամանակները հիմա փոխվել են, և մենք պետք է մտածենք՝ ինչպիսի դիրք գրավել խաղաղության հասնելու համար»,- նշել է նա՝ հավելելով, որ դա հնարավոր կլինի, եթե Եվրոպան «գործի որպես իրական զսպող գործոն և աջակցի Ուկրաինային»։
Մերկելը հարցազրույցում նաև նշել է, որ Հունգարիայի վարչապետ Վիկտոր Օրբանին Եվրոպայում Ռուսաստանի «տրոյական ձի» չի համարում։ Միևնույն ժամանակ, նա ընդգծել է, որ չի աջակցում Հունգարիայի՝ ռուսական էներգակիրների ներմուծումից չհրաժարվելու որոշմանը։
Թարգմանությունը՝ Էմմա Չոբանյանի
