06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Ալիևը հայտարարել է, որ Բաքուն կշարունակի աջակցել ինքնահռչակ Հյուսիսային Կիպրոսին
Քաղաքականություն
06.10.2025 | 22:30
Ադրբեջանի նախագահ Իլհամ Ալիևը Գաբալայում հանդիպել է ինքնահռչակ Հյուսիսային Կիպրոսի թուրքական հանրապետության նախագահ Էրսին Թաթարի հետ, որը երկիր է ժամանել Թյուրքական պետությունների կազմակերպության պետությունների ղեկավարների խորհրդի 12-րդ գագաթնաժողովին մասնակցելու համար։
Էրսին Թաթարը գոհունակություն է հայտնել Իլհամ Ալիևի հետ Ադրբեջանում և միջազգային միջոցառումներին ունեցած հանդիպումների, ինչպես նաև Շուշիում ԹՊԿ-ի երկրների ղեկավարների ոչ պաշտոնական գագաթնաժողովին իր մասնակցությունի կապակցությամբ։ Թաթարը շնորհակալություն է հայտնել Ադրբեջանի ղեկավարին Հյուսիսային Կիպրոսին ցուցաբերած աջակցության համար։
Իլհամ Ալիևը, իր հերթին, հայտարարել է, որ Ադրբեջանը հետագայում էլ կշարունակի աջակցել Հյուսիսային Կիպրոսի Թուրքական Հանրապետությանը։
Թաթարը շնորհավորել է նաև Վաշինգտոնում ԱՄՆ նախագահի ներկայությամբ Հայաստանի և Ադրբեջանի միջև խաղաղության օրակարգի առաջխաղացման գործում ձեռք բերված արդյունքների համար։
Զրույցի ընթացքում նշվել է Հյուսիսային Կիպրոսի՝ Թուրքական պետությունների կազմակերպությանն անդամակցելու կարևորությունը։ Ընդգծվել է Գաբալայի գագաթնաժողովի դերը Թյուրքական պետությունների կազմակերպության շրջանակում երկրների միջև գործընկերության հետագա ընդլայնման գործում։
Թուրքական Կիպրոսի հետ կապերի սերտացումը հաշվի առնելով՝ փորձագետները չեն բացառում Բաքվի կողմից Հյուսիսային Կիպրոսի պաշտոնական ճանաչումը։
Նշենք, որ Հյուսիսային Կիպրոսի ինքնահռչակ հանրապետությունը ճանաչված է միայն Անկարայի կողմից։
Թարգմանությունը՝ Էմմա Չոբանյանի
