03.11.2026 | 22:44
Առանց արհեստական ձյան լեռնադահուկային հանգստավայրերը չեն կարողանա գործել. Ազիզյան
Ադրբեջանում մեկնարկել է Bayraktar-ների արտադրությունը
Քաղաքականություն
03.10.2025 | 21:33
Թուրքական Baykar Makina ընկերության ադրբեջանական դուստր ձեռնարկությունը՝ Bayraktar Teknoloji Azerbaycan LLC-ն, սկսել է անօդաչու թռչող սարքերի արտադրությունը։ Այս մասին հայտնում են ադրբեջանական լրատվամիջոցները՝ նշելով, որ ընկերությունը գործում է Սումգայիթի արդյունաբերական պարկում, որտեղ այն գրանցվել է այս տարվա մայիսին։
Արտադրանքն առայժմ նախատեսված է ներքին շուկայի համար։
Ադրբեջանի Էկոնոմիկայի նախարարության պետական հարկային ծառայությունը Bayraktar Teknoloji Azerbaycan-ը գրանցել է 2022 թվականին։ Ընկերության իրավաբանական հասցեն է՝ Բաքվի Նասիմիի շրջան, Զարիֆա Ալիևայի փողոց, 115։ Կանոնադրական կապիտալը կազմում է 1,7 միլիոն մանաթ։ Baykar Makina-ի համակարգող Հուսեյն Թոփուզը նրա օրինական ներկայացուցիչն է։
2023 թվականի մայիսին թուրքական անօդաչու թռչող սարքեր արտադրող Baykar ընկերությունը և Ադրբեջանը ստորագրել էին անօդաչու թռչող սարքերի համատեղ արտադրության մասին արձանագրություն: Թուրքական ընկերության գործադիր տնօրեն Հալուք Բայրաքթարը և Ադրբեջանի պաշտպանության փոխնախարար Ագիլ Գուրբանովը փաստաթուղթը ստորագրել էին TEKNOFEST-ի շրջանակում:
Թարգմանությունը՝ Էմմա Չոբանյանի
