21.01.2026 | 21:44
Հոգևորականը երեկ միացել էր Փաշինյանին, այսօր՝ Գարեգին Բ-ին․ ճնշումների մասին ահազանգեր. ՏԵՍԱՆՅՈՒԹ
Կառավարությունը մերժեց Միհրան Հակոբյանի՝ կրոնական կազմակերպություններին պատկանող տարածքներում հավաքներն արգելելու առաջարկը․ ՏԵՍԱՆՅՈՒԹ
Քաղաքականություն
25.10.2018 | 13:07
Կառավարության հոկտեմբերի 25-ի նիստում գործադիրը բացասական եզրակացություն տվեց ԱԺ ՀՀԿ-ական պատգամավոր Միհրան Հակոբյանի ներկայացրած օրենսդրական նախաձեռնությանը, որով առաջարկվում է փոփոխություն կատարել «Հավաքների ազատության մասին» օրենքում՝ որպես հավաքն արգելելու հիմք նախատեսել նաև կրոնական կազմակերպություններին սեփականության կամ վարձակալության իրավունքով պատկանող տարածքներում՝ առանց այդ կազմակերպությունների համաձայնության հավաք անցկացնելը։
Հարցի զեկուցող արդարադատության նախարարի պաշտոնակատար Արտակ Զեյնալյանը Կառավարությանն առաջարկեց բացասական եզրակացություն տալ որոշման նախագծին, քանի որ այս հարցն արդեն իսկ կարգավորվում է ՀՀ Սահմանադրությամբ։
«Ինչ վերաբերում է կրոնական անհանդուրժողականության վերացման նպատակով հավաքի անցկացման արգելքին, ապա «Հավաքների ազատության մասին» օրենքի 19-րդ հոդվածով այն նախատեսված է որպես հավաքն արգելելու հիմք: Այսպես՝ հավաքն արգելվում է, եթե հավաքի նպատակը կրոնական ատելություն բորբոքելն է»,- ասաց նախարարի պաշտոնակատարը։
Մանրամասները՝ տեսանյութում։
