Քաղաքականություն
25.10.2018 | 11:40
Factor.am-ի տեղեկություններով՝ Հատուկ քննչական ծառայություն է մուտքագրվել քրեական գործ, որը վերաբերում է Ազգային ժողովի «Հանրապետական» խմբակցության պատգամավոր, բնապահպանության նախկին նախարար Արամ Հարությունյանին։
Ըստ մեր տեղեկությունների՝ կաշառքի հետ կապված քրեական գործը հարուցվել է գործարար Սիլվա Համբարձումյանի հաղորդման հիման վրա:
Factor.am-ի հետ զրույցում գործարար Սիլվա Համբարձումյանն ասաց, որ Արամ Հարությունյանի դեմ արդեն մի քանի տարի է՝ ինչ հաղորդում է տվել և ասել, որ Արամ Հարությունյանը իրենից 14 մլն դոլար կաշառք է վերցրել հանքերի շահագործման լիզենզիա տալու համար։
«Քաղաքական իրավիճակի փոփոխությամբ պայմանավորված՝ գործը վերաբացվեց 2018 թվականի մայիսից, խոսքը վերաբերում է իմ՝ նախկինում տրված հաղորդմանը։ Արամ Հարությունյանի վերաբերյալ ես նոր հաղորդում չեմ տվել»,- ասաց գործարարը։
