07.03.2026 | 17:22
Կառավարությունը 250 հազար դրամ կփոխհատուցի Մերձավոր Արևելքում չեղարկված չվերթների պատճառով նոր տոմս գնած ՀՀ քաղաքացիներին
Առաջիկա օրերին կտրուկ կտաքանա․ Գագիկ Սուրենյան
02.10.2025 | 09:46
Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը տեսանյութ է հրապարակել՝ նշելով, որ առաջիկա օրերին կտրուկ կտաքանա:
«Վերջին 2 օրերին Սև ծովի ցիկլոնով պայմանավորված հանրապետության տարածքում օդի ջերմաստիճանը զգալի նվազել է, մի շարք շրջաններում տեղումներ են, բայց մենք ձեզ համար ունենք շատ լավ լուր:
Վաղվանից սկսած՝ հոկտեմբերի 3-ից, այդ ցիկլոնն ամբողջությամբ դուրս կգա մեր տարածաշրջանից՝ իր տեղը զիջելով հարավ-արևմուտքից, արևադարձային լայնություններից ներթափանցող տաք օդային հոսանքներին, և հոկտեմբերի 3-ից 6-ն ընկած ժամանակահատվածում մեր երկիրը գտնվելու է այդ տաք օդային հոսանքների ազդեցության գոտում: Ինչի արդյունքում, այսօրվա համեմատ, հանրապետության ողջ տարածքում օդի ջերմաստիճանը ցերեկային ժամերին աստիճանաբար բարձրանալու է մոտ 8-10 աստիճանով»,- ասել է Սուրենյանը:
Նա նաև հիշեցրել է, որ մեզ սպասվում է նորմայից տաք և սակավատեղում հոկտեմբեր։
