04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Երևանում «КамАЗ»-ը դուրս է եկել ճանապարհի երթևեկելի գոտուց և կողաշրջվել. shamshyan.com
25.10.2018 | 10:17
Հոկտեմբերի 25-ին խոշոր ավտովթար է տեղի ունեցել Երևանում։ Ինչպես հայտնում է shamshyan.com-ը, ժամը 07։40-ի սահմաններում Երևան քաղաքի բնակիչ, 62-ամյա Միքայել Աթայանն իր վարած КамАЗ մակնիշի 70 RR 909 համարանիշի ավտոմեքենայով Մյասնիկյան պողոտայից դեպի Հերացի փողոց իջնելիս դուրս է եկել ճանապարհի երթևեկելի գոտուց, բախվել Աբովյան պուրակ և Հերացի փողոց ճանապարհի բաժանարար գոտում տեղադրված բետոնե արգելապատնեշներին, պոկել նրանք և կողաշրջվել։
Վթարի հետևանքով զոհեր և վիրավորներ չկան։
Օպերատիվորեն դեպքի վայր է ժամանել Երևանի 1-03 շտապօգնության բժիշկների հերթապահ խումբը, ովքեր օգնություն են ցուցաբերել վարորդին, ով գտնվում էր շոկային վիճակում, այնուհետև նա հայտնել է, որ հրաժարվում է հիվանդանոց մեկնելուց։
Խոշոր վթարի հետևանքով նշված հատվածում խցանում է տեղի ունեցել և այն հասնում է մինչև Ավան, Աճառյան փողոց։
