09.06.2026 | 00:17
Մարկո Ռուբիոն շնորհավորել է Փաշինյանին
Էրդողանը խորհրդարանում հայտարարել է՝ Թուրքիան կգործի, եթե Սիրիայում դիվանագիտությունը ձախողվի
Քաղաքականություն
01.10.2025 | 23:20
Թուրքիայի նախագահ Ռեջեփ Թայիփ Էրդողանը զգուշացրել է, որ Անկարան թույլ չի տա Սիրիայում անցյալի հակամարտությունների կրկնություն, եթե դիվանագիտական ջանքերը ձախողվեն, գրում է Turkiye Today-ը։
«Մենք վճռականորեն աջակցում ենք Սիրիայի տարածքային ամբողջականությանը: Մենք դեմ ենք Սիրիան բաժանելու ծրագրերին։ Եթե դիվանագիտական ջանքերը անպատասխան մնան, Թուրքիայի դիրքորոշումն ու քաղաքականությունը հստակ են: Թուրքիան թույլ չի տա, որ Սիրիայում դեժավյու տեղի ունենա»,- ասել է Էրդողանը։
Խորհրդարանի հերթական նստաշրջանի բացման ժամանակ ունեցած ելույթում նա նաև հայտնել է Գազայի պաղեստինցիներին աջակցության մասին։ Էրդողանը նշել է, որ Թուրքիան կշարունակի պաշտպանել պաղեստինցիներին և դեմ լինել Իսրայելի ռազմական արշավին։
«Մենք երբեք չենք լքել Գազայի քաջարի որդիներին, ովքեր հերոսաբար դիմադրեցին աշխարհի ամենաժամանակակից զենքերով իրենց հողի վրա հարձակված ներխուժող ուժերին»,- ասել է նա։
Էրդողանը նշել է, որ «պաղեստինցիներին համախմբել այն տևական խաղաղության հետ, որին նրանք արժանի են, նախևառաջ իսլամական աշխարհի, ապա՝ համաշխարհային հանրության պարտականությունն է Գազայի նկատմամբ»։
Ի դեպ, գլխավոր ընդդիմադիր Ժողովրդահանրապետական կուսակցությունը (CHP) և երկու այլ ընդդիմադիր կուսակցություններ բոյկոտել են խորհրդարանական նստաշրջանի բացման նիստը։
Թարգմանությունը՝ Էմմա Չոբանյանի
