30.07.2026 | 11:47
Լեհաստանը ռազմական ինքնաթիռներ է օդ բարձրացրել Ուկրաինայի վրա ռուսական զանգվածային հարձակման ֆոնին
Մյունխենում պայթյուն է տեղի ունեցել․ մեկ մարդու մահացած են գտել, ոստիկանությունը գործողություն է իրականացնում
Քաղաքականություն
01.10.2025 | 13:51
Գերմանական Մյունխենի հյուսիսում գտնվող առանձնատանը բռնկված հրդեհը լայնածավալ արտակարգ գործողությունների պատճառ է դարձել, որի արդյունքում ոստիկանությունն ու հրշեջները փակել են ճանապարհները։ Ոստիկանությունը նշել է, որ ընթանում է ավելի լայնածավալ հետաքննություն, որը կհետաձգի Մյունխենի Օկտոբերֆեստ գարեջրի փառատոնի առավոտյան բացումը, գրում է DW-ն։
Ոստիկանությունը նաև հայտնել է, որ վնասված շենքում հայտնաբերվել են նաև պայթուցիկ թակարդներ:
«Հատուկ ուժեր են կանչվել վնասազերծման համար: Ըստ ներկայիս տեղեկատվության՝ բնակելի շենքը դիտավորյալ հրկիզվել է ընտանեկան վեճի համատեքստում։ Գտնված վիրավորը մահացել է: Մեկ այլ անձ անհետ կորած է»,- ասվում է ոստիկանության X-ում տարածած հայտարարության մեջ:
Գերմանական Bild-ի հաղորդմամբ՝ քննիչները տանը հայտնաբերել են մեկ դիակ և մեկ վիրավորի։ Ըստ պարբերականի տեղեկությունների՝ մահացած հայտնաբերված տղամարդը մինչ այդ հրդեհել է ծնողների տունը, այնտեղ պայթուցիկներ տեղադրել։ Ենթադրվում է, որ նա ինքնասպան է եղել։
Մյունխենի ոստիկանությունը խնդրել է վարորդներին խուսափել տարածքից, քանի դեռ գործողությունները շարունակվում են։
Ոստիկանության խոսնակ Թոմաս Շյոլշորնը հայտարարել է, որ «հանրության համար ներկայում վտանգ չկա», և միջադաեպը «կապ չունի Օկտոբերֆեստի հետ»։
Թարգմանությունը՝ Էմմա Չոբանյանի
