02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Պատգամավորնե՛ր, ԱԺ տեսախցիկների տեսանյութերը հայտնվում են իշխանական մամուլում․ Մանուկյան․ ՏԵՍԱՆՅՈՒԹ
Քաղաքականություն
01.10.2025 | 11:08
«Բոլորդ էլ ճամփորդում եք, օդանավակայանների սերվերները ևս պաշտպանված են, բայց մեկ էլ պայմանական ասած՝ օրինակ Գեղամ Մանուկյանը թռել է Մոսկվա, ու Գեղամ Մանուկյանի նկարները էլի հայտնվում են նույն կայքում։ Կյանքս գնաց, ԱԱԾ, ՊՊԾ, Քաղավիացիա, ԱԺ աշխատակազմ, մնաց բախտ բացողին դիմեմ, ասեմ՝ ոնց է էդ տեսանյութերը հայտնվել»,- ԱԺ նիստում հարց բարձրացրեց «Հայաստան» խմբակցության պատգամավոր Գեղամ Մանուկյանը «Կիբեռանվտանգության» մասին օրենքի քննարկման ժամանակ։
«Գիտե՞ք, որտեղ է հայտնվում, «medianews» կայքում, ծանո՞թ է բոլորիդ։ Վարչապետի աշխատակազմի ղեկավար Տարոն Չախոյան»,- նշեց պատգամավորը՝ դիմելով քննարկվող օրենքի նախագիծն ԱԺ-ում ներկայացնող Բարձր տեխնոլոգական արդյունաբերության նախարար Մխիթար Հայրապետյանին։
«Պատգամավորնե՛ր, այստեղ ձեր գործունեության տեսանյութերը հայտնվում են լրիվ ուրիշ տեղ։ Էստեղ քանի՞ լրատվական կա, որ կարող է նման տեսանյութեր ձեռք բերել»,- հարցրեց նա՝ ընդգծելով, որ դրանք քաղաքական որոշմամբ են հայտնվում իքս վայրում կամ քաղաքական որոշմամբ պահվում են «7 կողպեքի տակ»։
Մանրամասները՝ տեսանյութում։
Մանյա Պողոսյան
