28.06.2026 | 05:30
ԱԱ-2026. Պորտուգալիան չհաղթեց Կոլումբիային ու փլեյ-օֆֆ դուրս եկավ երկրորդ տեղով. ՏԵՍԱՆՅՈՒԹ
Բաքուն ԵՏՄ-ից «օբյեկտիվ հակադեմպինգային հետաքննություն» է ակնկալում
30.09.2025 | 23:18
Ադրբեջանի վարչապետ Ալի Ասադովը տնտեսական և առևտրային համագործակցությունը գնահատել է որպես Ադրբեջանի և ԵՏՄ անդամ երկրների հարաբերությունների հիմնարար ուղղություն:
Այս մասին նա հայտարարել է Մինսկում կայացած Եվրասիական միջկառավարական խորհրդի ընդլայնված նիստում։
Նա նշել է, որ 2025 թվականի առաջին ութ ամիսներին Ադրբեջանի առևտրաշրջանառությունը ԵՏՄ երկրների հետ աճել է ավելի քան 22%-ով։
Ասադովը նաև հիշատակել է ԵՏՄ-ում ադրբեջանական ծագում ունեցող ապրանքների՝ պոլիէթիլենի, պոլիպրոպիլենի և պրոպիլենային համապոլիմերների նկատմամբ սկսված հակադեմպինգային հետաքննությունները։
Նա նշել է, որ եթե այդ ապրանքների նկատմամբ կիրառվեն հակադեմպինգային միջոցառումներ, դա կարող է զգալիորեն ազդել Ադրբեջանի կողմից ԵՏՄ երկրներ արտահանման ընդհանուր ծավալի վրա։
«Այս գործընթացին մասնակցող ադրբեջանական ընկերությունները բաց են համագործակցության համար։ Մենք հույս ունենք, որ հետաքննությունները հնարավորինս հիմնված կլինեն իրական փաստերի վրա, և դրանց արդյունքներն իրական վնաս չեն հասցնի Ադրբեջանի առևտրային համագործակցությանը ԵՏՄ երկրների հետ՝ թե՛ բազմակողմանի, թե՛ երկկողմանի մակարդակով», – հայտարարել է Ասադովը։
Թարգմանությունը`Էմմա Չոբանյանի
