12.01.2026 | 21:27
Դանիան և Գրենլանդիան չորեքշաբթի ԱՄՆ-ի հետ բանակցություններ կանցկացնեն
Պայթյուն` կարի արտադրամասում. 4 անձ հոսպիտալացվել է
30.09.2025 | 17:48
Երևանի Այասի փողոցում գտնվող կարի արտադրամասում պայթյուն է տեղի ունեցել: Այս մասին Factor.am-ին հայտնեցին ՀՀ ՆԳՆ-ից:
«Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ»,- փոխանցեցին նախարարությունից:
Պայթյունի հետևանքով հոսպիտալացվել է 4 քաղաքացի: Առողջապահության նախարարությունից հայտնում են, որ տուժածներից մեկն անհրաժեշտ բուժօգնություն ստանալուց հետո դուրս է գրվել: 2 տուժածի առողջական վիճակը գնահատվում է միջին ծանրության, ստանում են անհրաժեշտ բուժօգնություն, մյուսինը` բավարար:
Մեր տեղեկություններով` արտադրամասը գործող չի եղել:
Արփի Հակոբյան
