16.02.2026 | 20:40
Բարձր եմ գնահատում Լիտվայի աջակցությունը Հայաստանին. ՀՀ նախագահ
Ինդոնեզիայի Ճավա կղզում դպրոց է փլուզվել․ կան զոհեր ու վիրավորներ․ ՏԵՍԱՆՅՈՒԹ
Քաղաքականություն
30.09.2025 | 13:58
Ինդոնեզիայի Արևելյան Ճավա կղզում գիշերօթիկ դպրոցի փլուզման հետևանքով զոհվել է առնվազն մեկ երեխա, ավելի քան 100-ը՝ վիրավորվել։ Վիրավորները տեղափոխվել են հիվանդանոցներ։ Իշխանությունները հայտնում են, որ զոհերի թիվը կարող է աճել, գրում է Euronews-ը։
Ավելի քան 30 երեխա մնում է շենքի փլատակներում։ Արտակարգ իրավիճակների ծառայությունները, ոստիկանությունը և զինվորականները փրկարարական աշխատանքներ են իրականացնում։ Նրանք հիմնականում ձեռքով են մաքրում փլատակները՝ խուսափելու համար բետոնի մեջ մնացած երեխաներին վնասելուց։
Ավելի ուշ լրատվամիջոցները հայտնել են, որ «տուժածների ընդհանուր թիվը 102 է, 99-ը՝ ողջ մնացածներն են, 3-ը՝ զոհվել են»։ Փրկարարները դեռևս որոնում են 38 մարդու։
«Մենք թթվածին և ջուր ենք մատակարարում փլատակներում մնացածներին, պահում նրանց մեջ կյանքը, մինչ փորձում ենք դուրս հանել նրանց», – ասել է Նանանգ Սիգիտը, որը ղեկավարում է փրկարարական գործողությունը։
Պաշտոնյաները հաստատել են առնվազն 3 զոհի և ավելի քան 100 վիրավորի մասին տեղեկությունը, որոնցից շատերը 12-ից 18 տարեկան տղաներ են: Փրկարարները հայտնել են, որ 38 մարդ դեռևս անհետ կորած է համարվում:
Մի քանի դպրոցականներ արդեն դուրս են բերվել։ Աշխատանքները դանդաղ են ընթանում՝ շենքի հետագա փլուզման մտավախությունների պատճառով։ Նախնական տեղեկությունների համաձայն՝ դպրոցի փլուզումը պայմանավորված է լրացուցիչ հարկերի կառուցմամբ, որի պատճառով շենքի կառուցվածքը չի կարողացել տանել ավելացված ծանրությունը։
Թարգմանությունը՝ Էմմա Չոբանյանի
