07.09.2026 | 11:29
Վայոց ձորի մարզի Արենի համայնքի սեփականության իրավունքն է վերականգնվել 0.12 հա մակերեսով հողամասի նկատմամբ
Մոլդովայի իշխող կուսակցությունը պատրաստ է դաշինքի միայն եվրոպամետ ուժերի հետ․ Մայա Սանդու
Քաղաքականություն
28.09.2025 | 14:57
Մոլդովայի իշխող «Գործողություն և համերաշխություն» կուսակցությունը պատրաստ է դաշինքի միայն եվրոպամետ ուժերի հետ։ Այդ մասին հայտարարել է կուսակցության հիմնադիրն ու Մոլդովայի գործող նախագահ Մայա Սանդուն։
«Միայն այն մարդիկ, ովքեր անկեղծորեն հավատում են եվրոպական արժեքներին, կարող են ձևավորել եվրոպամետ մեծամասնություն հաջորդ խորհրդարանում, և միայն այդպես մենք կկարողանանք առաջ շարժվել», – հայտարարել է Սանդուն։
Նրա ուղերձը հրապարակվել է Facebook սոցիալական ցանցում։
Հիշեցնենք՝ այսօր Մոլդովայում խորհրդարանական ընտրություններ են ընթանում։ Տասնյակ հազարավոր մոլդովացիներ, ովքեր ապրում են արտերկրում՝ հիմնականում ԵՄ-ում, նույնպես կարող են մասնակցել քվեարկությանը։ Երկրի տարածքում ընտրական տեղամասերը բաց են առավոտյան 07:00-ից մինչև երեկոյան 22:00 (երևանյան ժամանակով)։ Առաջին նշանակալի արդյունքները սպասվում են միայն երկուշաբթի օրը։
Մոլդովայի Կենտրոնական ընտրական հանձնաժողովը (ԿԸՀ) թեկնածուների վերջնական ցուցակը հրապարակել է մոտ 2 շաբաթ ուշացումով՝ մի շարք քաղաքական ուժերի գրանցումը մերժելու հետ կապված դատական վեճերի պատճառով։ Սկզբնական շրջանում ընտրություններին մասնակցելու իրավունք ստացել էին 23 միավոր՝ չորս ընտրական դաշինք, 15 կուսակցություն և չորս անկախ թեկնածու։ Սակայն, ինչպես կանխատեսում են տարբեր ուղղվածությամբ հարցումները, խորհրդարան կարող են անցնել ընդամենը չորս քաղաքական ուժ։
