10.10.2026 | 18:18
ԶՈՒ ԳՇ պետն այցելել է մի շարք զորամասեր
Անդրիաս Ղուկասյանը համաներումը չի ընդունի, նա դատարանից արդարացման վճիռ է պահանջում
Հասարակություն
24.10.2018 | 17:00
Էրեբունի-Երևանի հիմնադրման 2800-ամյակի և Հայաստանի առաջին Հանրապետության անկախության հռչակման 100-ամյակի կապակցությամբ հայտարարվելիք համաներումը կտարածվի նաև «Հայաստանի կառուցողական կուսակցության» ղեկավար Անդրիաս Ղուկասյանի վրա։ Նա, սակայն, չի ընդունի դա։
Հիշեցնենք, որ Անդրիաս Ղուկասյանը մեղադրվում է Սարի թաղի դեպքերի գործով:
Ըստ այդմ՝ 2016 թվականի հուլիսի 29-ին նա կազմակերպել է զանգվածային անկարգություններ, փորձել է միանալ ՊՊԾ գնդի տարածքը գրաված «Սասնա ծռեր» խմբի անդամներին։
Շուրջ երկու տարի ճաղերի ետևում մնացած և միայն այս տարվա մայիսին ազատության մեջ հայտնված Ղուկասյանը դատարանից պահանջում է արդարացման վճիռ։ Այս մասին Factor.am-ին ասաց Ա․ Ղուկասյանի փաստաբան Կարեն Մեջլումյանը։ Նրա խոսքով՝ իրենք հետևողական են լինելու, որպեսզի Ղուկասյանը ոչ միայն ազատ արձակվի, այլև նրա դեմ սուտ ցուցմունք տված անձինք՝ այդ թվում և ոստիկաններ, պատասխանատվության ենթարկվեն։
Նշենք, որ Ղուկասյանի գործով տուժող է ճանաչվել 56 անձ, որոնցից 50-ը, ըստ պաշտպանական կողմի պնդումների, ոստիկաններ են:
Լիլիթ Շաբոյան
