09.08.2026 | 12:56
Սևանա լճում ջրափրկարարները նկատել են շրջված ջրային մոտոցիկլետ․ ՆԳՆ
Հունան Պողոսյանին մարզպետի պաշտոնում նշանակելը ողջունում եմ, այդ կարգի նշանակումներ առաջիկայում շատ պետք է արվեն․ Դավիթ Գասպարյան․ ՏԵՍԱՆՅՈՒԹ
Քաղաքականություն
24.10.2018 | 17:23
Գրականագետ Դավիթ Գասպարյանի համոզմամբ՝ սովորաբար հեղափոխություններն իրենցից հետո ձևավորում են օրինաչափություններ, որոնցից մեկը հետևյալն է՝ «Թեկուզ երեք փսլնքոտ, բայց մերը», և այս թեզը միշտ էլ եղել է։
Ըստ Գասպարյանի՝ հեղափոխությունների երկրոդ օրինաչափությունը վերաբերում է մեկ այլ թեզի, ըստ որի, խելոքները մտածում են կյանքի մասին, նվիրյալներն իրականացնում են հեղափոխությունը, իսկ սրիկաները վայելում են հեղափոխության պտուղները, իսկ հաջորդ օրինաչափությամբ, որն ամենադաժանն է, հեղափոխությունը լափում է իր զավակներին։
Այսօր հրավիրված մամուլի ասուլիսի ժամանակ հետհեղափոխական Հայաստանի մասին իր մտորումները կիսեց գրականագետը՝ նշելով, որ հեղափոխությունից հետո Հայաստանին հաջողվեց խուսափել առաջին թեզից։
«Վարչապետն ասաց, որ կա բարիկադները քանդելու ժամանակը, և նա հիմա պետք է մասնագետներին բերի գործի գլուխ։ Այս տեսակետից դրական եմ համարում Արթուր Մեսչյանին Երևանի գլխավոր ճարտարապետի պաշտոնում նշանակելու որոշումը։ Հունան Պողոսյանին էլ նշանակեցին Սյունիքի մարզպետ․ այդ մարդը երկար ճանապարհ անցած գեներալ-լեյտենանտ էր, ի՞նչ վատ բան են արել, որ նրան նշանակել են, ես այդ նշանակումն էլ եմ ողջունում։ Կարծում եմ՝ այս կարգի նշանակումներ առաջիկայում շատ պետք է արվեն»,- ասաց Դավիթ Գասպարյանը։
Մանրամասները՝ տեսանյութում։
