23.05.2026 | 23:15
Ըմբիշ Շահեն Մարտիրոսյանը վստահ հաղթանակով դարձավ Եվրոպայի Մ-15 չեմպիոն. ՏԵՍԱՆՅՈՒԹ
ԱՄՆ-ի գլխավորած կոալիցիան կրկին ռմբակոծել է սիրիական Դեր Զորի բնակավայրերը
Քաղաքականություն
24.10.2018 | 17:15
ԱՄՆ-ի գլխավորած միջազգային կոալիցիայի ուժերը կրկին ավիահարվածներ են հասցրել սիրիական Դեր Զոր նահանգի աս-Սուսա բնակավայրի ուղղությամբ: Այս մասին հաղորդում է ՌԻԱ Նովոստին՝ վկայակոչելով սիրիական SANA գործակալությունը:
Հարվածի հետևանքով բնակելի մեկ տուն է փլուզվել: Զոհեր և վիրավորներ կան, նրանց թիվը հստակեցվում է:
Ավիահարվածներից բացի՝ բնակավայրը նաև գնդակոծվել է «Սիրիական դեմոկրատական ուժերի» (SDF) ջոկատների կողմից: 2015 թվականին ստեղծված այս դաշինքը կազմված է քրդական և արաբական ընդդիմադիր խմբերից ու համագործակցում է ԱՄՆ-ի հետ:
Նշենք, որ շաբաթ կոալիցիան ռմբակոծել էր նաև աս-Սուսա և ալ-Բուբադրան գյուղերը, ինչի հետևանքով 62 խաղաղ բնակիչ է զոհվել:
