16.07.2026 | 12:17
ԱՄՆ-ն և ՀՀ-ն այս համաձայնագրով հիմնադրում են TRIPP զարգացման ընկերությունը․ Արարատ Միրզոյան․ ՏԵՍԱՆՅՈՒԹ
Սմոլենսկի մարզում բեռնատար գնացքը բախվել է բեռնատարին. այրվում է բենզինով բեռնված վեց վագոն. ՏԵՍԱՆՅՈՒԹ
Քաղաքականություն
26.09.2025 | 15:20
ՌԴ Սմոլենսկի մարզում Ռուդնյանսկի շրջանի Ռիժիկովո կայարանի մոտ գտնվող երկաթուղային անցումում գնացքը բախվել է բեռնատարի, որի հետևանքով հրդեհվել է բենզինով բեռնված վեց վագոն։ Այս մասին հայտնել է Ռուսաստանի արտակարգ իրավիճակների նախարարությունը, փոխանցում է Currnt time-ը։
Միջադեպը տեղի է ունեցել ժամը 7:26-ին Ռուդնյա և Գոլինկի կայարանների միջև։ Մոսկվայի երկաթուղիների տվյալներով՝ բեռնատարի վարորդը դուրս է եկել երկաթուղային անցում մոտեցող բեռնատար գնացքի առջև։
Բախման հետևանքով գծերից դուրս է եկել 18 վագոն, բեռնատարի վարորդն ու նրա օգնականը ստացել են միջին ծանրության վնասվածքներ և տեղափոխվել հիվանդանոց։
Վթարի հետևանքները վերացնելու համար դեպքի վայր են ուղարկվել երեք հրշեջ և չորս փրկարարական գնացք։ Այդ հատվածում գնացքների երթևեկությունը դադարեցվել է։
Թարգմանությունը՝ Էմմա Չոբանյանի
