01.10.2026 | 15:18
Եթե տեսնենք սանկցիայի տակ ենք հայտնվում, որոշում կկայացնենք. Փաշինյանը` Իրանից թռիչքների արգելքի մասին․ ՏԵՍԱՆՅՈՒԹ
Մենք ատում ենք էդ «ղալմաղալը»․ Անդրանիկ Քոչարյանը՝ մեքենաներում աղմուկը նվազեցնելու նախագծի մասին․ ՏԵՍԱՆՅՈՒԹ
Հասարակություն
26.09.2025 | 11:33
ԱԺ պաշտպանության և անվտանգության մշտական հարցերի հանձնաժողովում քննարկվում է ՔՊ պատգամավորների նախաձեռնած օրենսդրական փաթեթ, որով առաջարկում են տուգանել ավտոմեքենայի մեջ լրացուցիչ ուժեղացուցիչներ կամ խլացուցիչներ տեղադրած վարորդներին։
Նախագծի համահեղինակ Սերգեյ Բագրատյանի խոսքով՝ լրացուցիչ ուժեղացուցիչները խանգարում են ինչպես հասարակական անդորրը, այնպես էլ երթևեկությունը, որի արդյունքում քաղաքի հատկապես բանուկ հատվածներում բարձրանում է աղմկային աղտոտվածությունը։
Ըստ Բագրատյանի՝ նախագծով առաջարկում են տուգանել ավտոմեքենայի մեջ լրացուցիչ ուժեղացուցիչներ կամ խլացուցիչներ տեղադրած վարորդներին աշխատավարձի 10-ապատիկի չափով, բացի այդ՝ վարորդները կկորցնեն 2 միավոր։
«Ավելորդ աղմուկը կարող է հանգեցնել առողջական տարբեր խնդիրների` սթրես, քնի խանգարումներ և այլն։ Հեղինակավոր հոգեբաններից մեկն ասել է, որ արագ տեմպով երգերը կարող են ստիպել վարորդին արագացնել իր ընթացքը` համապատասխանեցնելով այն երգի ռիթմին»,- նշեց նա։
Հանձնաժողովի նախագահ Անդրանիկ Քոչարյանն էլ հավելեց՝ «Մենք ատում ենք էդ «ղալմաղալը»։ Ձեր ներկայացրած փաստերից հետո նախագիծն անպայման պետք է ընդունվի»։
Մանրամասները՝ տեսանյութում։
Մանյա Պողոսյան
