Քաղաքականություն
26.09.2025 | 11:04
ՌԴ զորքերը սեպտեմբերի 26-ի առավոտյան մեկ ժամվա ընթացքում շուրջ 15 ավիառումբ են նետել Խերսոնի վրա։ Այս մասին հայտնել է շրջանային վարչակազմի ղեկավար Ալեքսանդր Պրոկուդինը, փոխանցում է Current time-ը։
«Հարվածների արդյունքում վնասվել են վարչական շենքը և ինը մասնավոր տներ։ Այս պահին տուժածների մասին տեղեկություններ չկան»,- գրել է նա։
Սումի քաղաքի ռազմական վարչակազմի ղեկավար Սերգեյ Կրիվոշենկոն էլ հայտնել է Ստեցկի Ստարոստինսկի շրջանի բնակելի թաղամասի վրա հարձակման մասին: Նա ասել է, որ վնասվել են բնակելի շենքեր, հնարավոր են էլեկտրաէներգիայի և գազի խափանումներ։
Ուկրաինայի ռազմաօդային ուժերի հրամանատարության տվյալներով՝ սեպտեմբերի լույս 26-ի գիշերը ռուսական բանակը Ուկրաինայի վրա 154 անօդաչու թռչող սարք է արձակել։ Ժամը 7:30-ի դրությամբ՝ հակաօդային պաշտպանության ուժերը երկրի հյուսիսում, հարավում, արևելքում և կենտրոնում խոցել են 128 անօդաչու թռչող սարք։ Նշվում է, որ 9 վայրերում գրանցվել է 26 անօդաչու թռչող սարքերի հարված։
Թարգմանությունը՝ Էմմա Չոբանյանի
