14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Արայիկ Հարությունյանը հանդիպումներ է ունեցել Փարիզ 2024-ի Օլիմպիական և պարալիմպիկ խաղերի կազմակերպման պատասխանատուների հետ
25.09.2025 | 23:00
Վարչապետի աշխատակազմի ղեկավար, Ֆրանկոֆոնիայի խաղերի ազգային կոմիտեի նախագահ Արայիկ Հարությունյանի գլխավորած պատվիրակությունը Փարիզում հանդիպումներ է ունեցել Փարիզ 2024-ի Օլիմպիական և պարալիմպիկ խաղերի արարողակարգային և միջազգային հարցերի, տրանսպորտի և տեղաշարժի կազմակերպման, ինչպես նաև անվտանգության հարցերով պատասխանատու պաշտոնյաների հետ: Այս մասին տեղեկացրին Կառավարության մամուլի ծառայությունից։
Հանդիպումները տեղի են ունենում Ֆրանկոֆոնիայի 2027 թվականի խաղերի կազմակերպման նպատակով՝ Փարիզ 2024-ի Խաղերի և Միջազգային մեծ սպորտային միջոցառումների (GESI) փորձը ներկայացնելու ուղղությամբ՝ Հայաստանի ու Ֆրանսիայի միջև փոխանակումների շրջանակներում:
Կողմերը քննարկել են բարձրաստիճան պաշտոնատար անձանց ընդունելության կազմակերպմանը և արարողակարգին, տրանսպորտի տեղաշարժին, ինչպես նաև ներքին անվտանգության և ճգնաժամերի կառավարմանը վերաբերող մի շարք հարցեր: Ձեռք է բերվել ոչ միայն Ֆրանկոֆոնիայի խաղերի, այլ ընդհանուր՝ մեծ միջոցառումների կազմակերպման շրջանակներում համագործակցությունը խորացնելու պայմանավորվածություն։Կարդացեք հոդվածը` Русский
