06.08.2026 | 15:09
Արենի համայնքին կհատուցվի 2.2 միլիոն դրամ. Դատախազության՝ պետշահերի հայցը բավարարվել է
Պուտինը ոչ պաշտոնական հանդիպում է անցկացրել Գլոբալ ատոմային ֆորումին մասնակցող օտարերկրյա պատվիրակությունների ղեկավարների հետ. մասնակցել է նաև Փաշինյանը․ ՏԵՍԱՆՅՈՒԹ
Քաղաքականություն
25.09.2025 | 17:53
Ռուսաստանի նախագահ Վլադիմիր Պուտինը ոչ պաշտոնական հանդիպում է անցկացրել Գլոբալ ատոմային ֆորումին մասնակցող օտարերկրյա պատվիրակությունների ղեկավարների հետ, որին մասնակցել է ՀՀ վարչապետ Նիկոլ Փաշինյանը, փոխանցում է ՏԱՍՍ-ը։
Հրապարակված կադրերում երևում է, թե ինչպես է Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսսին ինչ-որ բան բացատրում ներկաներին։
Ռուսաստանի նախագահը ելույթ կունենա Գլոբալ ատոմային ֆորումում սեպտեմբերի 25-ին։ Նրան կմիանան Բելառուսի նախագահ Ալեքսանդր Լուկաշենկոն, Հայաստանի վարչապետ Նիկոլ Փաշինյանը, Մյանմայի նախագահի պաշտոնակատար Մին Աուն Հլայնը, Եթովպիայի վարչապետ Աբիյ Ահմեդը, ինչպես նաև Իրանի, Ուզբեկստանի, Եգիպտոսի, Նիգերի և մի շարք մասնագիտացված կազմակերպությունների ներկայացուցիչներ։
Հավելենք, որ այսօր սպասվում է նաև Նիկոլ Փաշինյանի ու Վլադիմիր Պուտինի հանդիպումը։
Թարգմանությունը՝ Էմմա Չոբանյանի
