13.06.2026 | 00:58
ԱԱ-2026․ Կանադան խուսափեց պարտությունից Բոսնիա և Հերցեգովինայի դեմ խաղում․ ՏԵՍԱՆՅՈՒԹ
5 ամիս է Ձեր տան հարևանությամբ ապրում է Սերժ Սարգսյանը, իսկ իմ ընկեր Վանո Սիրադեղյանը Հայաստանից դուրս է․ Ա․ Զուրաբյանը՝ Նիկոլ Փաշինյանին․ ՏԵՍԱՆՅՈՒԹ
Քաղաքականություն
24.10.2018 | 14:40
Տեղի է ունեցել հեղափոխություն, որը մեզ ազատել է մի համակարգից, որի դեմ պայքարել ենք երկար տարիներ, բայց միևնույն է, հինգ ամիս է Ձեր տան հարևանությամբ ապրում է Սերժ Սարգսյանը, իսկ իմ ընկեր Վանո Սիրադեղյանը Հայաստանից դուրս է, իմ ընկեր Շանթ Հարությունյանը բանտում է։ Սրանք ցավոտ խնդիրներ են, բայց անհնարին բան չկա, ուստի եկեք նաև այս հարցերի լուծումները գտնենք։
Այսօր Ազգային ժողովի նիստում վարչապետի պաշտոնակատար Նիկոլ Փաշինյանին ասաց «Ծառուկյան» խմբակցության պատգամավոր Արարատ Զուրաբյանը։
Դիտարկմանն ի պատասխան՝ Նիկոլ Փաշինյանն ասաց․
«Շանթ Հուրությունյանին ես հինգ ամիս է խնդրում եմ, որ բանտից դուրս գա․ ինքն ասում է՝ դուրս չեմ գալիս ո՛չ համաներումով, ո՛չ ռեժիմը փոխելով, ո՛չ բաց կալանքով։ Դուրս չեմ գալիս։ Շանթ Հարությունյանին բանտից հանելու համար պետք է սպեցնազը մտնի և դուրս հանի։ Նա արդարացի պահանջ է դնում, ասում է՝ թող ինձ արդարացնեն։ Հիմա ի՞նչն է խանգարում, որ իր պաշտպանները համապատասխան հայցով դատարան չեն դիմում։ Ես հիմա ասեմ՝ գնացեք դատարան դիմեք, այդ դեպքում ինձ կասեն, որ դատարան դիմեն իրեն կարդարացնե՞ն, թե՞չէ։ Այստեղ հարց է առաջանում՝ ես հետո զանգե՞մ դատարանին, զանգեմ և ասեմ՝ արդարացրու։ Եթե ես հիմա զանգեմ և ասեմ արդարացրու, անխուսափելիորեն վաղը զանգելու և ասելու եմ կալանավորի կամ մի՛ կալանավորի»։
Նիկել Փաշինյանը նաև շեշտեց, որ ինքը որևէ դատավորի ոչինչ չի ասելու, թեև կան հարցեր, որոնց պետք է քաղաքական լուծում տրվի, սակայն տրված լուծումներն էլ պետք է իրավաբանորեն ճիշտ լինեն։
Մանրամասները՝ տեսանյութում։
