01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Ուիթկոֆը հայտնել է, որ Հայաստանի ու Ադրբեջանի հարցերով խորհրդակցում է Թուրքիայի ԱԳՆ-ի ու հետախուզության ղեկավարի հետ․ՏԵՍԱՆՅՈՒԹ
Քաղաքականություն
25.09.2025 | 15:24
ԱՄՆ նախագահ Դոնալդ Թրամփի՝ Մերձավոր Արևելքի հարցերով հատուկ բանագնաց Սթիվ Ուիթկոֆը Concordia տարեկան գագաթնաժողովի ժամանակ հայտարարել է, որ պարբերաբար խորհրդակցում է թուրք պաշտոնյաների հետ Հայաստանի ու Ադրբեջանի հետ կապված հարցերով։
Նա նշել է, որ Թուրքիայում ԱՄՆ դեսպան Թոմ Բարաքի միջոցով տեղեկանում է Թուրքիայի արտգործնախարար Հաքան Ֆիդանի և Ազգային հետախուզական կազմակերպության ղեկավար Իբրահիմ Քալընի կարծիքը Հայաստանին, Ադրբեջանին, ինչպես նաև Ուկրաինային վերաբերող հարցերի մասին։
«Ես զանգահարում եմ Թոմին և հարցնում՝. «Ի՞նչ կարծիք ունի Իբրահիմը (Քալըն) այս հարցի վերաբերյալ»։ Այսպես ենք մենք միասին աշխատում։ Ես կարող եմ բազմաթիվ նմանատիպ օրինակներ բերել, երբ հաջողություններ ենք ունեցել, քանի որ լավ հաղորդակցվում ենք։ Նման կապերի պահպանումն ինձ խորհուրդ է տվել Թրամփի վարչակազմը»,- ասել է Ուիթկոֆը։
Թարգմանությունը՝ Էմմա Չոբանյանի
