13.08.2026 | 22:13
Երթևեկության կազմակերպման փոփոխություն՝ Երևանում
Նորք-Մարաշի զինված խմբի ղեկավար Արթուր Վարդանյանին ազատ արձակելու համար առաջարկում են 3 միլիոն գրավ
Հասարակություն
24.10.2018 | 13:34
2015 թվականին Նորք-Մարաշում վնասազերծված զինված խմբի պարագլուխ Արթուր Վարդանյանն այս խմբի միակ անդամն է, որը դեռևս կալանավորված է։ Պաշտպանական կողմը միջնորդել է, որպեսզի նրա նկատմամբ կիրառված խափանաման միջոց կալանքը փոխվի 3 միլիոն դրամ գրավով։
Փաստաբան Սիրուշ Աղվանյանը Factor.am-ի հետ զրույցում նշեց, որ սպասում են դատարանի որոշմանը․ «Բացատրություն չի տրվում, թե ինչու են բոլորը դրսում, իսկ Արթուրը ներսում։ Միջնորդել ենք, որպեսզի նա ևս հայտնվի ազատության մեջ»։
Նշենք, որ վերջին երեք ամիսների ընթացքում այս գործով կալանքից ազատվել են շուրջ մեկ տասնյակ ամբաստանյալներ՝ այդ թվում պաշտպանության նախկին փոխնախարար Վահան Շիրխանյանը։
Ըստ մեղադրանքի՝ Արթուր Վարդանյանի գլխավորած՝ 2015 թվականին Նորք-Մարաշում վնասազերծված 20 հոգանոց զինված խումբը ծրագրել է բռնությամբ զավթել իշխանությունը: Մասնավորապես, թռիչքի պահին խոցել նախագահի օդանավը, հարձակում գործել ՀՀ նախագահի նստավայրի, Ազգային ժողովի, Սահմանադրական դատարանի, Կառավարության, Հանրային հեռուստաընկերության և այլ հաստատությունների շենքերի վրա:
Լիլիթ Շաբոյան
