29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Գլխավոր դատախազը Իրանի արդարադատության նախարարի հետ քննարկել է երկկողմ հետաքրքրություն ներկայացնող մի շարք հարցեր
Հասարակություն
25.09.2025 | 12:34
Հայաստանի Հանրապետության գլխավոր դատախազ Աննա Վարդապետյանն այսօր ընդունել է Իրանի Իսլամական Հանրապետության արդարադատության նախարար Ամին Հոսեյն Ռահիմիի գլխավորած պատվիրակությանը:
Գերատեսչությունից հայտնում են, որ պատվիրակության կազմում է եղել նաև ՀՀ-ում Իրանի Իսլամական Հանրապետության արտակարգ և լիազոր դեսպան Մեհդի Սոբհանին:
«Աննա Վարդապետյանը ողջունել է ԻԻՀ արդարադատության նախարարին ու պատվիրակության ներկայացուցիչներին ՀՀ գլխավոր դատախազությունում և կարևորել երկու երկրների ոլորտային կառույցների միջև համագործակցության զարգացումը:
Իրանի Իսլամական Հանրապետության արդարադատության նախարար Ամին Հոսեյն Ռահիմին շնորհակալություն է հայտնել ՀՀ գլխավոր դատախազ Աննա Վարդապետյանին հանդիպման և երկկողմ հետաքրքրություն ներկայացնող հարցեր քննարկելու պատրաստակամության համար»,- ասված է հաղորդագրությունում։
Անդրադարձել է կատարվել հետախուզվողների հանձնման, իրավական օգնության ապահովմանը վերաբերող մի շարք հարցերի:
