12.01.2026 | 19:53
Մեկնարկում է շախմատի Հայաստանի առաջնությունը․ առաջին տուրի զույգերը հայտնի են
Ինչ են քննարել Լավրովն ու Ռուբիոն. ՌԴ ԱԳՆ-ն մանրամասներ է ներկայացրել
Քաղաքականություն
24.09.2025 | 23:21
Սեպտեմբերի 24-ին ՄԱԿ-ի Գլխավոր ասամբլեայի 80-րդ նստաշրջանի բարձր մակարդակի շաբաթվա շրջանակում Նյու Յորքում կայացել է Ռուսաստանի Դաշնության արտաքին գործերի նախարար Սերգեյ Լավրովի և ԱՄՆ պետքարտուղար Մարկո Ռուբիոյի հանդիպումը։
Ըստ ՌԴ ԱԳՆ-ի՝ հանդիպման ընթացքում կողմերը կարծիքներ են փոխանակել ուկրաինական ճգնաժամի կարգավորման հնարավորությունների շուրջ՝ հիմք ընդունելով Ալյասկայի Անքորիջ քաղաքում Ռուսաստանի և ԱՄՆ-ի ղեկավարների միջև ավելի վաղ կայացած բարձր մակարդակի բանակցություններում ձեռք բերված փոխըմբռնումները։
ՌԴ ԱԳՆ-ի հաղորդագրության համաձայն՝ կողմերը հաստատել են խաղաղ հանգուցալուծումներ գտնելու փոխադարձ շահագրգռվածությունը։ Սերգեյ Լավրովը վերահաստատել է Ռուսաստանի պատրաստակամությունը՝ հետևելու այն ուղեգծին, որը նախանշվել է երկու երկրների նախագահների կողմից, այդ թվում՝ ամերիկյան կողմի հետ համակարգել ուկրաինական հակամարտության արմատական պատճառների վերացմանն ուղղված ջանքերը:
Լավրովը միաժամանակ ընդգծել է Կիևի և մի շարք եվրոպական մայրաքաղաքների կողմից առաջ մղվող մոտեցումների անընդունելիությունը, որոնք, ըստ նրա, ուղղված են հակամարտության ձգձգմանը։
Հանդիպման ընթացքում անդրադարձ է կատարվել նաև երկկողմ օրակարգի լայն շրջանակին։
Լավրովն ու Ռուբիոն համաձայնել են շարունակել կառուցողական երկխոսությունը արտաքին քաղաքական գերատեսչությունների մակարդակով։
