03.10.2026 | 22:08
Հայաստանի հավաքականը ժամանել է Պոդգորիցա
Լավրովն ու Ռուբիոն ավարտել են բանակցությունները Նյու Յորքում
Քաղաքականություն
24.09.2025 | 21:48
ՌԴ արտգործնախարար Սերգեյ Լավրովի և ԱՄՆ պետքարտուղար Մարկո Ռուբիոյի բանակցություններն ավարտվել են, հայտնում է BBC-ի ռուսական ծառայությունը:
Հանդիպումը տևել է մեկ ժամից պակաս՝ ՄԱԿ-ի Գլխավոր վեհաժողովի շրջանակներում։
Ո՛չ Լավրովը, ո՛չ Ռուբիոն դեռ չեն մեկնաբանել հանդիպումը։
Լավրովը և Ռուբիոն վերջին անգամ հանդիպել էին այս տարվա հուլիսին՝ Մալայզիայում։
Նախօրեին Նյու Յորքում կայացել էր նաև Դոնալդ Թրամփի և Վլադիմիր Զելենսկու հանդիպումը, որի ավարտից հետո Թրամփը հրապարակել էր գրառում Truth Social-ում՝ հայտարարելով, որ Եվրոպայի և ՆԱՏՕ-ի ֆինանսական աջակցության պայմաններում Ուկրաինան կարող է վերականգնել նախապատերազմյան սահմանները՝ «և գուցե գնալ է՛լ ավելի հեռու»։
ՌԴ նախագահի մամուլի քարտուղար Դմիտրի Պեսկովը, մեկնաբանելով Լավրովի դիրքորոշումը, հայտարարել է՝ Թրամփի հայտարարություններն արվել են Զելենսկու հետ հանդիպումից հետո և, ըստ ամենայնի, նրա ներկայացրած մոտեցումների ազդեցությամբ։
«Դա պատկերացում է, որն ամբողջովին հակասում է մեր ընկալումներին, սակայն մենք ևս պատրաստ ենք մեր դիրքորոշումը ներկայացնել ամերիկյան կողմին»,- հավելել է Պեսկովը։
