16.07.2026 | 10:14
Արման Ծառուկյանը չի բացառել մասնակցությունն Օլիմպիական խաղերին
Հարավային Կովկասը երկարաժամկետ ԱՄՆ արտաքին քաղաքականության ուշադրության կենտրոնում է․ Պետդեպի պաշտոնյա
Քաղաքականություն
24.09.2025 | 18:39
ԱՄՆ նախագահ Դոնալդ Թրամփի ներկայությամբ նախաստորագրված Ադրբեջանի և Հայաստանի միջև պատմական խաղաղության համաձայնագիրը ցույց է տալիս այն դիվանագիտական ասպեկտը, որը Թրամփը տալիս է տարածաշրջանին։ Այս մասին հայտարարել է ԱՄՆ պետքարտուղարի տեղակալի ավագ խորհրդական Քալեբ Օրը Նյու Յորքում Կասպիական քաղաքականության կենտրոնի կողմից կազմակերպված 6-րդ Կասպիական բիզնես ֆորումի ժամանակ, հաղորդում են միջոցառմանը մասնակցած ադրբեջանական լրատվամիջոցները։
Նա նշել է, որ այդ համաձայնագիրը կարող է իրական դիվիդենտներ բերել խաղաղության համար։
«Սա շատ լավ կլինի տարածաշրջանի և ամբողջ Ամերիկայի Միացյալ Նահանգների համար։ Կասպյան ավելի լայն տարածաշրջանը, ներառյալ՝ Հարավային Կովկասը և Կենտրոնական Ասիան, ԱՄՆ երկարաժամկետ արտաքին քաղաքականության ուշադրության կենտրոնում է։ Մեր ռազմավարական շահերից է բխում ներդրումներ կատարել և զարգացնել այս տարածաշրջանը առաջիկա տարիների ընթացքում»,- ասել է նա։
Թարգմանությունը՝ Էմմա Չոբանյանի
