02.07.2026 | 13:21
Անդրանիկ Թևանյանը դատի է տվել Վահագն Ալեքսանյանին․ պահանջում է հերքում, ներողություն և 9 մլն դրամ
Նիկոլ Փաշինյանը սեպտեմբերի 25-ին Պուտինի հետ Մոսկվայում կմասնակցի Գլոբալ ատոմային ֆորումին
Քաղաքականություն
24.09.2025 | 17:45
ՌԴ նախագահ Վլադիմիր Պուտինի հետ միասին Գլոբալ ատոմային ֆորումին մասնակցելու են Ատոմային էներգիայի միջազգային գործակալության (ՄԱԳԱՏԷ-ի) տնօրեն Ռաֆայել Գրոսին, Բելառուսի նախագահ Ալեքսանդր Լուկաշենկոն, Մյանմայի նախագահի պաշտոնակատար Մին Աուն Հլայնը, Հայաստանի վարչապետ Նիկոլ Փաշինյանը և Եթովպիայի վարչապետ Աբիյ Ահմեդը։ Այս մասին հայտնում է Կրեմլի մամուլի ծառայությունը, փոխանցում է ՌԻԱ Նովոստին։
Հաղորդվում է, որ սեպտեմբերի 25-ին Պուտինը ելույթ կունենա Ռուսաստանի միջուկային արդյունաբերության 80-ամյակին նվիրված Գլոբալ ատոմային ֆորումում։
«Ռուսաստանի առաջնորդի հետ միասին ֆորումին կմասնակցեն Բելառուսի Հանրապետության նախագահ Լուկաշենկոն, Մյանմայի Միության նախագահի պաշտոնակատար Մին Աուն Հլայնը, ՀՀ վարչապետ Փաշինյանը, Եթովպիայի Դաշնային Դեմոկրատական Հանրապետության վարչապետ Ահմեդը, Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Գրոսին, ինչպես նաև Իրանի Իսլամական Հանրապետության, Ուզբեկստանի Հանրապետության, Եգիպտոսի Արաբական Հանրապետության, Նիգերի Հանրապետության և մի շարք մասնագիտացված կազմակերպությունների ներկայացուցիչներ»,- ասվում է հաղորդագրության մեջ։
Ռուսաստանի միջուկային արդյունաբերության 80-ամյակին նվիրված ֆորումը կանցկացվի սեպտեմբերի 25-ից 28-ը Մոսկվայում։
Թարգմանությունը՝ Էմմա Չոբանյանի
