05.07.2026 | 16:43
Կրեմլը մանրամասներ է հայտնել Պուտինի և Թրամփի հեռախոսազրույցի բովանդակությունից
Սևանի հարցն ինձ համար Ղարաբաղի հարցի նման է․ Ամուլսարի նախագիծը կաշխատի, եթե պարզվի՝ վտանգ չկա․ ՏԵՍԱՆՅՈՒԹ
Քաղաքականություն
24.10.2018 | 13:13
«Ալավերդու պղնձաձուլական կոմբինատում բնապահպանական տեսչությունն իրականացրել է ստուգումներ, որոնց արդյունքում պարզվել է, որ արտանետումները սահմանված չափը 11 անգամ գերազանցում են։ Հիմա մեզ ասում են՝ փակե՞լ եք գործարանը։ Ես կրկնում եմ՝ մենք կողմ ենք, որ այդ գործարանը աշխատի, սակայն վիճակագրություն կա, քաղցկեղի խնդիր կա»,- Ազգային ժողովում ասաց վարչապետի պաշտոնակատար Նիկոլ Փաշինյանը՝ նշելով, որ խնդիրներ կան նաև Ամուլսարում, ուստի Կառավարությունը փորձում է անել այնպես, որ այս հանքը չկրկնի Թեղուտի ճակատագիրը։
«Թեղուտում 380 մլն դոլարի վարկի մասին է խոսքը, և այն տվող բանկը փաստորեն, կանգնել է խնդրի առաջ, որովհետև, ոչ ոք չի փակում այդ վարկը։ Ամուլսարի շուրջ ստեղծված հարցն, այո՛, նեգատիվ ֆոն է ստեղծում, բայց Սևանի հարցը Ղարաբաղի հարցի նման է ինձ համար։ Եթե պարզվի, որ Սևանի համար Ամուլասարի շահագործումը վտանգավոր է, այդ հանքը չի աշխատի»,- ասաց Նիկոլ Փաշինյանը։
Վարչապետի պաշտոնակատարը նշեց նաև, որ թեև հնչում են քննադատություններ, որ իրենց գործունեության արդյունքում տնտեսության աճի տեմպերը դանդաղել են, սակայն ինքը պնդում է, որ իրականացվել և իրականացվում են ներդրումային լուրջ ծրագրեր, որոնց արդյունքում կստեղծվեն նոր աշխատատեղեր։
Մանրամասները՝ տեսանյութում։
