03.10.2026 | 22:08
Հայաստանի հավաքականը ժամանել է Պոդգորիցա
Մարկո Ռուբիոն հայտարարել է, որ Թրամփն է հասել Հայաստանի և Ադրբեջանի միջև կարգավորմանը
Քաղաքականություն
24.09.2025 | 16:31
Կարծում եմ՝ ԱՄՆ նախագահ Դոնալդ Թրամփն աշխարհում ցանկացած այլ անձից ավելի շատ ժամանակ ու էներգիա է ներդրել խաղաղության առաջարկների և խաղաղության նախաձեռնությունների մեջ, և աշխարհում ցանկացած մեկից ավելի մեծ հաջողություն է ունեցել։ Այս մասին լրագրողների հետ զրույցում հայտարարել է ԱՄՆ պետքարտուղար Մարկո Ռուբիոն։
«Նա մեծ գովասանքի չի արժանանում, բայց եկեք չմոռանանք, որ երբ Կոնգոյի Դեմոկրատական Հանրապետությունում և Ռուանդայում պատերազմ էր ընթանում, հենց նախագահն էր միջնորդում։ Ադրբեջան և Հայաստան՝ հենց նախագահն էր, որ հանգեցրել է դրան [հակամարտության կարգավորման]։ Թաիլանդ և Կամբոջա՝ նախագահն էր, որ վերջ դրեց դրան։ Հնդկաստան և Պակիստան։ Ընդամենը չորսն է, որ մտքովս անցավ վերջին մի քանի ամիսների ընթացքում։ Եվ դա արել է նախագահը, ոչ թե աշխարհի որևէ այլ առաջնորդ, և ոչ էլ ՄԱԿ-ը»,- ասել է Ռուբիոն։
Հիշեցնենք, որ նախօրեին ԱՄՆ նախագահ Դոնալդ Թրամփը Նյու Յորքում ՄԱԿ-ի Գլխավոր վեհաժողովի 80-րդ նստաշրջանում ունեցած ելույթում հայտարարել էր, որ վերջ է դրել 7 պատերազմների, այդ թվում`Հայաստանի ու Ադրբեջանի միջև։
Թարգմանությունը՝ Էմմա Չոբանյանի
