20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
Բենզինի շուկա կմտնեն նոր խաղացողներ․ Նիկոլ Փաշինյան․ ՏԵՍԱՆՅՈՒԹ
Քաղաքականություն
24.10.2018 | 12:52
Բանակցություններ են տարվում օտարերկրյա ընկերությունների հետ, որոնք հետաքրքրված են «Միկա» ընկերության բենզալցակայաններով, այնպես որ մոտ ապագայում սպասվում է, որ այս ոլորտում շուկա կմտնեն նոր խաղացողներ։ Այս մասին Ազգային ժողովում ասաց վարչապետի պաշտոնակատար Նիկոլ Փաշինյանը՝ նշելով, որ Կառավարության աշխատանքն ուղղված է բացառելու մենաշնորհների դեմ պայքարի ընթացքում սեփականությունների վերաբաշխումը։
«Բոլոր գործարարները պետք է իրենց ազատ զգան, Կառավարությունը որևէ մեկի համար խնդիր չի ստեղծում, ասում ենք՝ աշխատեք բացառապես օրենքի և օրինականության շրջանակում»,- ասաց Փաշինյանը:
Ազգային ժողովի փոխնախագահ Միքայել Մելքումյանն էլ վարչապետի պաշտոնակատարի ուշադրությունը հրավիրեց գազի գնի իջեցման համար աշխատող աշխատանքային խմբի գործունեության վրա, ինչին ի պատասխան Փաշինյանը հիշեցրեց, որ այդ աշխատանքային խմբերը ձևավորվել են իր և ՌԴ նախագահ Վլադիմիր Պուտինի հետ ձեռք բերված պայմանավորվածության արդյունքում։
«Մենք պայմանավորվել ենք հասկանալ խնդիրը փաստարկների դաշտում և գնալ կոնկրետ լուծումների, փաստեր պետք է արձանագրենք, և դրանք քննարկենք մեր ռուս գործընկերների հետ»,- ասաց Փաշինյանը։
Մանրամասները՝ տեսանյութում։
