16.11.2024 | 15:35
Վարչապետ Փաշինյանը շնորհավորել է Ռոբերտ Ամիրխանյանին ծննդյան 85-ամյակի կապակցությամբ
Եվրոպայի առաջնություններում մեր ծանրորդները մեդալներ են նվաճում
24.10.2018 | 12:49
Լեհաստանի Զամոսկ քաղաքում անցկացվող Եվրոպայի ծանրամարտի մինչև 20 տարեկանների առաջնության երկրորդ օրը հարթակ ելան գյումրեցի 77 կգ քաշայիներ Արա Աղանյանը և Ռաֆիկ Հարությունյանը: Արա Աղանյանը պոկումում 143 կգ-ով հինգերորդն էր: Նրա համաքաղաքացի Ռաֆիկ Հարությունյանը 146 կգ-ով գրավեց առաջին տեղն ու մրցաձևում արժանացավ ոսկե մեդալի. տեղեկանում ենք ՀԱՕԿ լրատվական բաժնից:
Հետաքրքիր պայքար ծավալվեց հրում վարժությունում: Մասնակիցները մեծ ցանկություն ունեին սանձել ծանր կիլոգրամներ: Բոլորին չէր հաջողվում այդ անելը: Հենց Արան չկարողացավ երեք մոտեցումներով իր կամքին ենթարկել նախապես պատվիրած քաշը, 0 ստացավ և գլխիկոր հեռացավ ասպարեզից: Իսկ Ռաֆիկը հաղթահարեց 180 կգ կշռող ծանրաձողը և դարձավ երկրորդ մրցանակակիր: Երկամարտում նա 326կգ-ով գրավեց երկրորդ տեղը և պարգևատրվեց արծաթե մեդալով:
