03.04.2026 | 12:31
Թոռնիկս հոսպիտալում է հիմա, ՌԴ-ից բերել եմ, որ ծառայի. բողոքում եմ, որ վեց ամիս ավելի է ծառայելու. քաղաքացի․ ՏԵՍԱՆՅՈՒԹ
Էրդողանն ու Թրամփը կհանդիպեն Փարիզում
Քաղաքականություն
24.10.2018 | 12:34
Թուրքիայի նախագահ Ռեջեփ Թայիփ Էրդողանը նոյեմբերի 11-12-ին Փարիզում կայանալիք Խաղաղության վեհաժողովի մասնակցելու նպատակով կմեկնի Ֆրանսիա. փոխանցում է ermenihaber-ը:
Վեհաժողովի շրջանակներում Էրդողանը նոյեմբերի 11-ին հանդիպում կունենա ԱՄՆ նախագահ Դոնալդ Թրամփի հետ։ Հանդիպման ժամանակ երկու երկրների միջև հարաբերություններից բացի անդրադարձ կկատարվի նաև Սիրիայի հիմնախնդրին, Իդլիբում և Մունբիչում տիրող իրավիճակին։ Ահաբեկչության դեմ պայքարի շրջանկաներում կքննարկվի Թուրքիայում ահաբեկչական համարվող Ֆեթհուլլահական խմբավորման (FETÖ) առաջնորդ, ամերիկաբնակ Ֆեթհուլլահ Գյուլենի արտահանձնման խնդիրը, ԱՄՆ-ի կողմից Սիրիայի քուրդ զինյալներին զենքի տրամադրման հարցը, ինչպես նաև՝ ԱՄՆ-ում կալանավորված թուրքական «Halkbank»-ի տնօրեն Հաքան Աթիլլայի վիճակը։
Փարիզի Խաղաղության վեհաժողովի շրջանակներում Էրդողանը երկկողմ հանդիպումներ կունենա նաև Ֆրանսիայի նախագահ Էմանուել Մակրոնի և Ռուսաստանի նախագահ Վլադիմիր Պուտինի հետ։
Հիշեցնենք, որ Թուրքիայում երկար ժամանակ կալանքի տակ գտնվող ՄԱՆ քաղաքացի, քահանա Էնդրյու Բրանսոնի ազատ արձակմամբ թուրք-ամերիկյան լարված հարաբերությունները սկսել են կարգավորվել։ Նախորդ շաբաթ Թուրքիայի նախագահը հեռախոսազրույց է ունեցել ԱՄՆ նախագահի հետ։ Կողմերը ընդգծել են, որ պատրաստ են կարգավորել և զարագացնել երկու երկրների միջև համագործակցությունը բոլոր ոլորտներում։
