04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
ԼՂ ժողովուրդը պետք է որոշիչ ձայն ունենա հակամարտության կարգավորման գործընթացում. Աննա Նաղդալյան
Քաղաքականություն
24.10.2018 | 12:19
Հայաստանի համար առաջնային են Լեռնային Ղարաբաղի կարգավիճակն ու անվտանգությունը: Այս մասին այսօր՝ հոկտեմբերի 24-ին, տեղի ունեցած ճեպազրույցում հայտարարեց ՀՀ ԱԳՆ մամուլի խոսնակ Աննա Նաղդալյանը՝ պատասխանելով Ադրբեջանի ԱԳ նախարարի հերթական մեկնաբանության մասին լրագրողների հարցին:
«Հայաստանը բազմիցս է ներկայացրել իր դիրքորոշումը Լեռնային Ղարաբաղի հակամարտության վերաբերյալ: Հայաստանի համար առաջնային են Լեռնային Ղարաբաղի կարգավիճակն ու անվտանգությունը, իսկ վերջինը կենսական նշանակություն ունի արցախահայության համար, որը տարիներ շարունակ Ադրբեջանի կողմից ենթարկվել է բռնությունների»,- ասաց Աննա Նաղդալյանը:
Նրա խոսքով՝ խաղաղության գործընթացը պետք է ապահովվի, որպեսզի Արցախի 150 հազար բնակչությունն այլևս չենթարկվի նման ոճրագործությունների, հարգվեն վերջինիս իրավունքները, այդ թվում՝ ինքնորոշման իրավունքը: «Լեռնային Ղարաբաղի ժողովուրդը պետք է որոշիչ ձայն և ներգրավվածություն ունենա այդ գործընթացում»,- հայտարարեց ԱԳՆ խոսնակը:
