21.06.2026 | 19:02
Ջեյ Դի Վենսը հայտնել է Իրանի հետ բանակցություններում առաջընթացի մասին
ՌԴ ԱԴԾ սահմանապահ ծառայության նավը ժամանել է Բաքվի նավահանգիստ
Քաղաքականություն
23.09.2025 | 15:47
ՌԴ սահմանապահ պարեկային «Ռասուլ Գամզատով» նավը ժամանել է Բաքվի նավահանգիստ։ Այս մասին հայտնել է Ադրբեջանի պետական սահմանապահ ծառայության մամուլի կենտրոնը։
Հաղորդվում է, որ Ադրբեջանի պետական սահմանապահ ծառայության և ՌԴ Անվտանգության դաշնային ծառայության սահմանապահ ծառայության միջև կնքված գործողությունների ծրագրի համաձայն՝ Ադրբեջանի և Ռուսաստանի ափամերձ սահմանապահ ծառայությունների սահմանապահ պարեկային նավերի փոխադարձ այցի շրջանակում սեպտեմբերի 23-ին Բաքու է ժամանել ՌԴ ԱԴԾ ափամերձ պահպանության «Ռասուլ Գամզատով» սահմանապահ պարեկային նավը:
Նախատեսվում է, որ այցի ընթացքում ադրբեջանական և ռուսական պատվիրակությունները կարծիքներ կփոխանակեն Ադրբեջանի և Ռուսաստանի սահմանապահ ծառայությունների միջև անցկացվող միջոցառումների վերաբերյալ, կքննարկեն Կասպից ծովում առկա օպերատիվ իրավիճակը, կվերանայեն համատեղ օպերատիվ և կանխարգելիչ միջոցառումների ընթացքում փոխգործակցության արդյունքները, ինչպես նաև կճշտեն սահմանային ներկայացուցչությունների միջև տեղեկատվության փոխանակումը։
Նախատեսվում է նաև Ադրբեջանի սահմանապահ ծառայության և Ռուսաստանի առափնյա պահպանության ծառայաության ներկայացուցիչների միջև ընկերական ֆուտբոլային հանդիպում, ինչպես նաև սահմանապահ պարեկային նավերի փոխայցելություն։
Ավելի վաղ ճեպազրույցում ՌԴ ԱԳՆ պաշտոնական ներկայացուցիչ Մարիա Զախարովան հայտարարել էր, որ ռուսական սահմանապահ պարեկային նավը սեպտեմբերի 23-25-ը Բաքվի նավահանգստում կլինի։
Թարգմանությունը՝ Էմմա Չոբանյանի
